Meðalkaupverð hlutabréfa

Þegar ákveða skal hagnað af sölu hlutabréfa skal kaupverð hvers hlutabréfs teljast jafnt meðalkaupverði allra hlutabréfa sömu tegundar á hendi sama eiganda. Þetta getur þó einungis átt við ef sams konar skattlagningarreglur gilda um söluhagnað af hlutabréfunum. Reikna þarf því sérstaklega meðalkaupverð á sérstökum hlutabréfum og öðrum hlutabréfum. Með sérstökum hlutabréfum er átt við bréf sem keypt voru á árunum 1990 til 1996 í félögum sem fengu staðfestingu ríkisskattstjóra á frádráttarbærni á kaupári bréfanna. Hagnaður af sölu þessara bréfa er skattfrjáls að hámarki kr. 367.625 hjá einstaklingi og kr. 735.250 hjá hjónum.

Útreikningur á meðalkaupverði

Dæmi:

Maður kaupir bréf í Litla skipafélaginu hf. á árunum 1990-1995 á samtals kr. 45.000, en nafnverð bréfanna er kr. 25.000. Að auki hefur hann fengið jöfnunarhlutabréf að nafnvirði kr. 15.000.
Á árinu 2003 seldi hann hluta bréfa sinna í félaginu á kr. 100.000. Nafnverð bréfanna sem hann seldi var kr. 15.000. Til að reikna út söluhagnað þarf að finna meðalkaupverð og er það gert þannig:

Bréfin voru keypt 1996 og fyrr og er því bæði fundið framreiknað kaupverð og jöfnunarverðmæti. Sú fjárhæð sem er hærri er notuð við útreikning á söluhagnaði.

Hér er jöfnunarverðmætið hærra. Seld voru bréf að nafnvirði kr. 15.000 af kr. 40.000 heildareign, eða 37,5%. Því færast 37,5% af jöfnunarverðmætinu í reitinn “Kaupverð til frádráttar” þegar söluhagnaður er reiknaður.

Sækja reiknivél fyrir meðalkaupverð

Annað um hlutabréf og tengd efni:
Kaupréttur að hlutabréfum - leiðbeiningar
Um stofnun einkahlutafélags - verklagsreglur