ATH! Sérstakur tekjuskattur hefur verið aflagður og er því lagður á í síðasta sinn við álagningu 2006 vegna tekjuársins 2005.

Sérstakur tekjuskattur er ákvarðaður í álagningu, en ekki greiddur í staðgreiðslu.

Fyrirframgreiðsla hátekjuskatts upp í væntanlega álagningu 2006 var greidd með fimm jöfnum, mánaðarlegum greiðslum mánuðina ágúst til desember 2005. Fyrirframgreiðslan var ákvörðuð út frá álagningu 2005.

Sérstakur tekjuskattur reiknast á laun umfram:

Hjá hjónum og samsköttuðu sambúðarfólki er miðað við samanlagðan tekjuskattsstofn beggja.

Menn sem koma til Íslands til tímabundinna starfa, þ.e. skemur en 6 mánuði á 12 mánaða tímabili, bera takmarkaða skattskyldu vegna tekna sem þeir afla hér á landi.

Með tekjum er átt við laun, starfstengdar greiðslur, hlunnindi o.s.frv.

Við álagningu er tekið tillit til persónuafsláttar og sjómannaafsláttar hjá þeim sem stunda sjómannsstörf.

Einstaklingar sem búsettir eru á einhverju öðru Norðurlandanna greiða fullan tekjuskatt og útsvar hérlendis vegna eftirlauna eða lífeyrisgreiðslna frá Íslandi. Tekið er tillit til persónuafsláttar á móti slíkum greiðslum. Sama á við um einstaklinga sem búsettir eru í landi sem ekki hefur gert tvísköttunarsamning við Ísland. Ákvæði tvísköttunarsamninga gilda ef einstaklingur er búsettur í ríki sem gert hefur tvísköttunarsamning við Ísland.

RSK 12.10 - Að starfa á Íslandi tímabundið (242 kb)

Launatekjur sem skattlagðar eru með 15% tekjuskatti:

Laun eða hliðstæðar greiðslur frá íslenskum aðilum til manna sem ekki dvelja hér á landi.

Greiðslur og þóknanir sem skattlagðar eru með 15% tekjuskatti

1. Greiðslur eða þóknanir til manna, listamanna eða annarra, sem koma fram í atvinnuskyni til skemmtunar og/eða í hvers konar keppni. Njóti menn afraksturs af starfsemi í stað ákveðinna launa eða þóknunar, skal greiða 10% tekjuskatt af heildartekjum án nokkurs frádráttar.
2. Greiðslur eða þóknanir til lögaðila vegna listamanna eða annarra sem koma fram í atvinnuskyni til skemmtunar eða í hvers konar keppni.
3. Greiðslur til sjálfstætt starfandi manna fyrir aðra þjónustu og starfsemi.
4. Greiðslur til lögaðila fyrir aðra þjónustu og starfsemi.

Nánari upplýsingar um takmarkaða skattskyldu einstaklinga.

Útsvar er greitt til þess sveitarfélags þar sem viðkomandi átti lögheimili 1. desember 2005.

Útsvar manna er bera takmarkaða skattskyldu er greitt til þess sveitarfélags þar sem meirihluta tekna var aflað.

Hlutfall útsvars er mismunandi eftir sveitarfélögum. Hlutfall útsvars í staðgreiðslu er þó það sama á öllu landinu. Um er að ræða bráðabirgðagreiðslu upp í útsvar í álagningu. Mismunur kann því að vera milli staðgreiðslu og álagningar. Við álagningu er gerð krafa um greiðslu mismunar eða hann endurgreiddur, eftir því sem við á.

Með börnum er átt við einstaklinga yngri en 16 ára á árinu 2005. Miðað er við almanaksár (börn fædd 1990 eða síðar).

Börn fá ekki persónuafslátt.

Með börnum er átt við einstaklinga yngri en 16 ára á árinu 2005. Miðað er við almanaksár (börn fædd 1990 eða síðar).

Stofn til útreiknings skatts á fjármagnstekjur er m.a. vaxtatekjur, verðbætur, afföll, gengishagnaður, arður af hlutabréfum, leigutekjur og skattskyldur söluhagnaður.

Hvorki er lagt á útsvar né önnur gjöld á fjármagnstekjur.

Frá reiknuðum skatti á fjármagnstekjur dragast 10/38 af þeim persónuafslætti sem ekki hefur verið nýttur með öðrum hætti.

Nánari upplýsingar um fjármagnstekjuskatt einstaklinga.

Gjaldið er lagt á alla einstaklinga á aldrinum 16-69 ára í lok árs 2005 sem eru með tekjuskattsstofn umfram kr. 900.732 á árinu 2005.

Elli- og örorkulífeyrisþegar sem eru vistmenn á dvalar- og hjúkrunarheimilum eru undanþegnir gjaldinu.

Hjá hjónum færist allur óráðstafaður persónuafsláttur til maka og kemur til lækkunar á reiknuðum tekjuskatti eða gengur til greiðslu á útsvari. Sama gildir um sambúðarfólk sem hefur heimild til samsköttunar og skilar sameiginlegu skattframtali.

Börn yngri en 16 ára á tekjuárinu 2005 fá ekki persónuafslátt. Miðað er við almanaksár (börn fædd 1990 eða síðar).

Eftirlifandi maki getur nýtt persónuafslátt hins látna í níu mánuði eftir andlát, að andlátsmánuðinum meðtöldum.

Persónuafsláttur reiknast eingöngu þann tíma sem einstaklingur er heimilisfastur hérlendis.

Nánari upplýsingar um persónuafslátt.

Sjómannaafsláttur sem ekki nýtist á móti tekjuskatti fellur niður.

Nánari upplýsingar um sjómannaafslátt.

Ökutækjastyrkur eru greiðslur launagreiðanda til launþega vegna afnota launþega á eigin bifreið í þágu rekstrar launagreiðanda.

Aldrei leyfist hærri fjárhæð til frádráttar en talin er til tekna sem ökutækjastyrkur.

Greitt vegna aksturs á vegum fyrir almenna umferð þar sem ekki er bundið slitlag.

Gera verður fullnægjandi grein fyrir því að forsendur fyrir greiðslu sérstaks gjalds séu uppfylltar.

Greitt vegna aksturs utan vega eða á vegaslóðum sem ekki eru færir fólksbílum.

Gera verður fullnægjandi grein fyrir því að forsendur fyrir greiðslu torfærugjalds séu uppfylltar.

Dagpeningar eru greiddir vegna tilfallandi ferðalaga launþega á vegum launagreiðanda utan fasts samningsbundins vinnustaðar. Þeim er ætlað að standa undir kostnaði launþegans vegna fjarveru frá heimili sínu, annars vegar vegna gistikostnaðar og hins vegar vegna fæðiskaupa og annars tilfallandi kostnaðar sem af ferðinni hlýst.

Frádráttur á móti dagpeningum er heimill að eftirtöldum skilyrðum uppfylltum:

1. Dagpeningarnir hafi verið greiddir vegna tilfallandi ferða á vegum launagreiðandans utan venjulegs vinnustaðar og launþeginn greitt gistingu og fæði og annan ferðatengdan kostnað, svo sem fargjöld að og frá flugvöllum.
2. Gögn um tilefni ferðar og fjölda dvalardaga, fjárhæð ferðapeninga eða dagpeninga, svo og nafn og kennitala launþega, verða að liggja fyrir í bókhaldi launagreiðanda, sem og hjá launþega.

Nánari upplýsingar um dagpeninga.

Þegar dagpeningar eru umreiknaðir í íslenskar krónur skal miða við sölugengi eins og það var í lok ferðar.

SDR er gjaldmiðlakarfa ákvörðuð af Alþjóðagjaldeyrissjóðnum. Karfan samanstendur af fjórum gjaldmiðlum, bandaríkjadal (USD), bresku pund (GBP), evru (EUR) og japönsku yeni (JPY). Peningamálasvið Seðlabanka Íslands ákvarðar daglega gengi SDR gagnvart íslensku krónunni.

(Upplýsingar um SDR eru teknar af heimasíðu Seðlabanka Íslands, www.sedlabanki.is)

Þegar dagpeningar eru umreiknaðir í íslenskar krónur skal miða við sölugengi eins og það var í lok ferðar.

SDR er gjaldmiðlakarfa ákvörðuð af Alþjóðagjaldeyrissjóðnum. Karfan samanstendur af fjórum gjaldmiðlum, bandaríkjadal (USD), bresku pundi (GBP), evru (EUR) og japönsku yeni (JPY). Peningamálasvið Seðlabanka Íslands ákvarðar daglega gengi SDR gagnvart íslensku krónunni.

(Upplýsingar um SDR eru teknar af heimasíðu Seðlabanka Íslands, www.sedlabanki.is)

Fólksbifreið er launagreiðandi lætur starfsmanni sínum í té til fullra og ótakmarkaðra umráða skal meta starfsmanni til tekna óháð notkun hans á bifreiðinni.

Með fólksbifreið er jafnframt átt við skutbifreið, jeppabifreið eða aðra bifreið sem hægt er að hafa sambærileg not af.

Bifreið telst tekin í notkun:

1. á framleiðsluári ef notuð bifreið er flutt til landsins
2. á fyrsta skráningardegi samkvæmt skráningu hjá umferðastofu ef ónotuð bifreið er flutt til landsins

Bifreiðahlunnindi í staðgreiðslu reiknast af verðmæti bifreiðar skv. bifreiðaskrá 2005. Sé bifreið ekki getið í bifreiðaskrá og ekki er unnt að fá upplýsingar um verð hennar annars staðar, skal miða við verð á sambærilegum bifreiðum.

Til viðbótar verði samkvæmt bifreiðaskrá skal koma verð á hvers konar auka- eða sérútbúnaði bifreiðarinnar.

Greiði launamaður launagreiðanda sínum fyrir afnot og/eða rekstur bifreiðarinnar koma slíkar greiðslur til frádráttar tekjumatinu.

Fólksbifreið er launagreiðandi lætur starfsmanni sínum í té til takmarkaðra afnota skal meta starfsmanni til tekna að svo miklu leyti sem hann notar bifreið í eigin þágu.

Með takmörkuðum afnotum er átt við að launamanni sé eingöngu heimilt að nota bifreið utan vinnutíma til aksturs milli heimilis og vinnustaðar og til einstakra tilfallandi afnota, enda sé hún að öðru leyti notuð í daglegum rekstri launagreiðanda.

Nái kostnaðarverð fatnaðar ekki neðangreindu mati skal miða við kostnaðarverð.

Vaxtabætur greiðast eingöngu til þeirra sem bera fulla og ótakmarkaða skattskyldu hérlendis.

Ótakmörkuð skattskylda hvílir á þeim sem heimilisfastir/búsettir eru hér á landi og þeim er dvelja hér á landi lengur en samtals 183 daga á sérhverju 12 mánaða tímabili.

Vaxtabætur vegna þess árs þegar maður aflar sér íbúðarhúsnæðis og hefur ekki fengið greiddar vaxtabætur árið áður reiknast frá og með þeim ársfjórðungi sem fyrsta fasteignaveðlán vegna kaupanna er tekið. Skal hámark vaxtagjalda, tekjuskattsstofn og hámark vaxtabóta þá ákveðið hlutfallslega miðað við það.

Heimilt er að greiða ársfjórðungslega fyrirfram áætlaðar vaxtabætur til þeirra sem festa kaup á íbúðarhúsnæði til eigin nota. Sækja verður um fyrirframgreiðsluna til skattstjóra. Við álagningu að tekjuári liðnu fer fram endanleg ákvörðun á vaxtabótum fyrir tekjuárið.

Frestur til að sækja um fyrirframgreiðslu vaxtabóta er í einn mánuð eftir að ársfjórðungi lýkur.

• Vegna 1. ársfjórðungs (jan., feb., mars) er frestur til 30. apríl
• Vegna 2. ársfjórðungs (apr., maí, júní) er frestur til 31. júlí
• Vegna 3. ársfjórðungs (júlí, ág., sept.) er frestur til 31. október
• Vegna 4. ársfjórðungs (okt., nóv., des.) er frestur til 31. janúar

Fyrirframgreiðsla vaxtabóta er greidd ársfjórðungslega, fjórum mánuðum eftir lok hvers ársfjórðungs.

• Vaxtabætur fyrir 1. ársfjórðung eru greiddar 1. ágúst
• Vaxtabætur fyrir 2. ársfjórðun eru greiddar 1. nóvember
• Vaxtabætur fyrir 3. ársfjórðun eru greiddar 1. febrúar
• Vaxtabætur fyrir 4. ársfjórðun eru greiddar 1. maí

Vaxtabætur eru bæði tekju- og eignatengdar.

Áhrif tekna og eigna á vaxtabætur:

Stofn til útreiknings:

Vaxtagjöld til útreiknings vaxtabóta er sú fjárhæð sem lægst er af a), b) og c).

1. Vaxtagjöld skv. reit 87 og/eða 166 á framtali
2. 5% af eftirstöðvum skulda skv. reit 41, 45 eða 167
3. Hámark vaxtagjalda, sem er:

Tekjutenging

Frá vaxtagjöldum skv. framansögðu dragast 6% af tekjustofni og er mismunurinn vaxtabætur, nema ef mismunurinn er hærri en hámark vaxtabóta og/eða ef kemur til skerðingar vegna eigna.

Tekjustofn til útreiknings vaxtabóta er frábrugðinn tekjuskattsstofni að því leyti að fjármagnstekjur eru meðtaldar og laun frá alþjóðastofnunum sem ekki eru skattlögð koma inn í tekjustofn til útreiknings á vaxtabótum.

Eignatenging

Vaxtabætur, eins og þær eru reiknaðar hér að ofan, skerðast ef eignir að frádregnum skuldum fara yfir mörk sem eru:

Réttur til vaxtabóta fellur niður um leið og nettóeign verður:

Nánari upplýsingar um vaxtabætur.

Barnabætur greiðast eingöngu til þeirra sem bera fulla og ótakmarkaða skattskyldu hérlendis.

Ótakmörkuð skattskylda hvílir á þeim sem heimilisfastir/búsettir eru hér á landi og þeim er dvelja hér á landi lengur en samtals 183 daga á sérhverju 12 mánaða tímabili.

Barnabætur skiptast í fjórar greiðslur yfir árið. Endanleg ákvörðun barnabóta fer fram við álagningu.

• Fyrirframgreiðsla barnabóta upp í álagningu er greidd 1. febrúar og 1. maí. Fyrirframgreiðsla nemur samtals 50% af áætluðum barnabótum ársins. Við ákvörðun á fyrirframgreiðslu er tekið mið af upplýsingum úr staðgreiðsluskrá um launatekjur framfæranda og upplýsingum úr framtali fyrra árs.
• Við uppgjör í ágúst er fyrirframgreiðslan dregin frá barnabótum eins og þær eru ákvarðaðar í álagningu. Eftirstöðvar eru greiddar út 1. ágúst og 1. nóvember.

Barnabætur skiptast jafnt á milli hjóna/sambúðarfólks. Miðað er við fjölskyldustöðu í árslok 2005, en breytingar innan ársins hafa ekki áhrif.

Nánari upplýsingar um barnabætur.

Um er að ræða heildargreiðslu fyrir árið sem skiptist jafnt milli hjóna/sambúðarfólks. Miðað er við fjölskyldustöðu í árslok 2005, en breytingar innan ársins hafa ekki áhrif.

Bætur skiptast í fjórar greiðslur yfir árið. (1. febrúar, 1. maí, 1. ágúst og 1. nóvember).

Skerðingarmörk - barnabætur skerðast séu tekjur umfram:

Hjá hjónum/sambúðarfólki reiknast skerðing vegna tekna af samanlögðum tekjustofni.

Skerðingarhlutfall þegar tekjur eru umfram ofangreind skerðingarmörk: