Staðgreiðslan samanstendur af tekjuskatti og útsvari. Útsvar í staðgreiðslu er 14,44%. Tekjuskatturinn er þrepaskiptur, sbr. eftirfarandi töflu.

Tekjuskattstofn	Tekjuskattur	Staðgreiðsla
kr. 0-230.000	22,9%	37,34%
kr. 230.001-704.367	25,8%	40,24%
Af fjárhæð umfram kr. 704.367-	31,8%	46,24%

Vikulaun:

Þegar laun eru greidd vikulega skal reikna staðgreiðslu skatta af launum sem hér segir:

Tekjuskattstofn	Staðgreiðsla
Allt að kr. 52.786	37,34%
Af kr. 52.787 - 161.657	40,24%
Af launum umfram kr. 161.657	46,24%

Ef laun eru breytileg er heimilt að jafna þeim milli vikna, innan mánaðarins, þannig að staðgreiðsla mánaðarins verði rétt. Tilfærsla á milli mánaða í staðgreiðslu er ekki heimil. Sjá þó undantekningar í reglugerð nr. 111/2010, um innheimtuhlutfall launa í staðgreiðslu.

Launþegum sem þiggja laun frá fleiri en einum launagreiðanda ber að upplýsa launagreiðanda um það við hvaða skattþrep skuli miða við útreikning á staðgreiðslu skatta.

Frá reiknuðum tekjuskatti er dreginn persónuafsláttur. Launþegar sem stunda sjómannsstörf á íslensku skipi eða skipi sem gert er út af íslensku skipafélagi fá einnig sjómannaafslátt dreginn frá.

Hlutfall útsvars er mismunandi eftir sveitarfélögum. Hlutfall útsvars í staðgreiðslu er þó það sama á öllu landinu. Um er að ræða bráðabirgðagreiðslu upp í útsvar í álagningu. Mismunur kann því að vera milli staðgreiðslu og álagningar. Við álagningu er gerð krafa um greiðslu mismunar eða hann endurgreiddur, eftir því sem við á. Í upplýsingaveitu á upplýsingavef Sambands íslenskra sveitarfélaga má finna útsvar allra sveitarfélaga.

Hafi einstaklingur átt lögheimili í fleiri en einu sveitarfélagi á tekjuárinu 2011 greiðir hann útsvar til umræddra sveitarfélaga í hlutfalli við búsetutíma.

Stofn til útreiknings tekjuskatts og útsvars er hvers kyns endurgjald fyrir vinnu að teknu tilliti til þess frádráttar sem heimilaður er með lögum. Sem dæmi um endurgjald fyrir vinnu eru laun, hlunnindi, styrkir og reiknað endurgjald sem og lífeyrisgreiðslur, bætur og styrkir sem ekki eru sérstaklega undanþegin með lögum. Heimilaður frádráttur frá tekjum er m.a. lífeyrissjóðsiðgjald og frádráttur á móti ökutækjastyrk og dagpeningum eða hliðstæðum endurgreiðslum á kostnaði sem sannað er að séu ferða- og dvalarkostnaður vegna atvinnurekanda og eru í samræmi við matsreglur fjármálaráðherra.

Staðgreiðslan samanstendur af tekjuskatti og útsvari. Útsvar í staðgreiðslu er 14,44%. Tekjuskatturinn er þrepaskiptur, sbr. eftirfarandi töflu.

Tekjuskattstofn	Tekjuskattur	Staðgreiðsla
kr. 0-230.000	22,9%	37,34%
kr. 230.001-704.367	25,8%	40,24%
kr. 704.368 -	31,8%	46,24%

Vikulaun:

Þegar laun eru greidd vikulega skal reikna staðgreiðslu skatta af launum sem hér segir:

Tekjuskattstofn	Staðgreiðsla
Allt að kr. 52.786	37,34%
Af kr. 52.787 - 161.657	40,24%
Af launum umfram kr. 161.657	46,24%

Ef laun eru breytileg er heimilt að jafna þeim milli vikna, innan mánaðarins, þannig að staðgreiðsla mánaðarins verði rétt. Tilfærsla á milli mánaða í staðgreiðslu er ekki heimil. Sjá þó undantekningar í reglugerð nr. 111/2010, um innheimtuhlutfall launa í staðgreiðslu.

Menn sem koma til Íslands til tímabundinna starfa, þ.e. skemur en 6 mánuði á 12 mánaða tímabili, bera takmarkaða skattskyldu vegna tekna sem þeir afla hér á landi.

Með tekjum er átt við laun, starfstengdar greiðslur, hlunnindi o.s.frv.

Við álagningu er tekið tillit til persónuafsláttar og sjómannaafsláttar hjá þeim sem stunda sjómannsstörf.

Einstaklingar sem búsettir eru á einhverju öðru Norðurlandanna greiða fullan tekjuskatt og útsvar hérlendis vegna eftirlauna eða lífeyrisgreiðslna frá Íslandi. Tekið er tillit til persónuafsláttar á móti slíkum greiðslum. Sama á við um einstaklinga sem búsettir eru í landi sem ekki hefur gert tvísköttunarsamning við Ísland. Að öðru leyti gilda ákvæði tvísköttunarsamninga ef einstaklingur er búsettur í ríki sem gert hefur tvísköttunarsamning við Ísland.

RSK 12.10 - Að starfa á Íslandi tímabundið (242 kb)

Hlutfall útsvars er mismunandi eftir sveitarfélögum. Hlutfall útsvars í staðgreiðslu er þó það sama á öllu landinu. Um er að ræða bráðabirgðagreiðslu upp í útsvar í álagningu. Mismunur kann því að vera milli staðgreiðslu og álagningar. Við álagningu er gerð krafa um greiðslu mismunar eða hann endurgreiddur, eftir því sem við á. Í upplýsingaveitu á upplýsingavef Sambands íslenskra sveitafélaga má finna útsvar allra sveitafélaga.

Útsvar manna er bera takmarkaða skattskyldu er greitt til þess sveitarfélags þar sem meirihluta tekna var aflað.

Stofn til útreiknings tekjuskatts og útsvars er hvers kyns endurgjald fyrir vinnu að teknu tilliti til þess frádráttar sem heimilaður er með lögum. Sem dæmi um endurgjald fyrir vinnu eru laun, hlunnindi, styrkir og reiknað endurgjald sem og lífeyrisgreiðslur, bætur og styrkir sem ekki eru sérstaklega undanþegin með lögum. Heimilaður frádráttur frá tekjum er m.a. lífeyrissjóðsiðgjald og frádráttur á móti ökutækjastyrk og dagpeningum eða hliðstæðum endurgreiðslum á kostnaði sem sannað er að séu ferða- og dvalarkostnaður vegna atvinnurekanda og eru í samræmi við matsreglur fjármálaráðherra.Stofn til útreiknings tekjuskatts og útsvars er hvers kyns endurgjald fyrir vinnu að teknu tilliti til þess frádráttar sem heimilaður er með lögum. Sem dæmi um endurgjald fyrir vinnu eru laun, hlunnindi, styrkir og reiknað endurgjald sem og lífeyrisgreiðslur, bætur og styrkir sem ekki eru sérstaklega undanþegin með lögum. Heimilaður frádráttur frá tekjum er m.a. lífeyrissjóðsiðgjald og frádráttur á móti ökutækjastyrk og dagpeningum eða hliðstæðum endurgreiðslum á kostnaði sem sannað er að séu ferða- og dvalarkostnaður vegna atvinnurekanda og eru í samræmi við matsreglur fjármálaráðherra.

Tekjuskatt	18,00%
Útsvar í staðgreiðslu	14,44%

Tekjur sem skattlagðar eru með 18% tekjuskatti:

Laun, t.d. stjórnarlaun, eða hliðstæðar greiðslur frá íslenskum aðilum til manna sem ekki dvelja hér á landi.

Greiðslur og þóknanir sem skattlagðar eru með 18% tekjuskatti

Greiðslur eða þóknanir til manna, listamanna eða annarra, sem koma fram í atvinnuskyni til skemmtunar og/eða í hvers konar keppni. Njóti menn afraksturs af starfsemi í stað ákveðinna launa eða þóknunar, skal greiða 10% tekjuskatt af heildartekjum án nokkurs frádráttar.

Greiðslur eða þóknanir til lögaðila vegna listamanna eða annarra sem koma fram í atvinnuskyni til skemmtunar eða í hvers konar keppni.

Greiðslur til sjálfstætt starfandi manna fyrir aðra þjónustu og starfsemi.

Greiðslur til lögaðila fyrir aðra þjónustu og starfsemi.

Nánari upplýsingar um takmarkaða skattskyldu.

Hjá þeim skattaðilum sem skylt er að reikna sér endurgjald skal telja til tekna 50% af arðsúthlutun að því marki sem hún er samtals umfram 20% af skattalegu bókfærðu eigin fé þess í árslok viðmiðunarárs. Tekjurnar mynda ekki stofn til tryggingagjalds né lífeyrisiðgjalds né teljast til frádráttarbærs rekstrarkostnaðar hjá greiðanda.

Afdráttur staðgreiðslu af þeim hluta arðsúthlutunar sem telst vera laun skal fara fram á því greiðslutímabili þegar uppgjör á sér stað eða eigi síðar en í lok þess árs sem ákvörðun um úthlutun var tekin.

Tekjuskatt	4,00%
Útsvar	2,00%

Börn sem fædd eru 1997 og síðar og ná því ekki 16 ára aldri á árinu 2012 greiða 6% skatt án persónuafsláttar af tekjum sínum umfram 100.745.

Á skilagreinum RSK 5.12 og sundurliðunum RSK 5.06 skal tiltaka heildarlaun án tillits til frádráttar.

Börn fá engan persónuafslátt og fá því ekki útgefið skattkort.

Stofn til útreiknings skatts á fjármagnstekjur er m.a. vaxtatekjur, verðbætur, afföll, gengishagnaður, arður af hlutabréfum, leigutekjur og skattskyldur söluhagnaður.

Hvorki er lagt á útsvar né önnur gjöld á fjármagnstekjur.

Fjármálafyrirtækjum ber að draga staðgreiðslu af vaxtatekjum og afföllum. Félögum með takmarkaða ábyrgð og samvinnufélögum ber að draga staðgreiðslu af arði. Aðrar tekjur er mynda stofn til fjármagnstekjuskatts einstaklinga eru skattlagðir við álagningu opinberra gjalda næsta ár á eftir tekjuári.

Frá reiknuðum skatti á fjármagnstekjur dragast 18/37 af þeim persónuafslætti sem ekki hefur verið nýttur með öðrum hætti.

Uppgjör staðgreiðslu við álagningu

20% staðgreiðsla er innheimt af öllum staðgreiðsluskyldum fjármagnstekjum á árinu 2012, þ.e. arði og vaxtatekjum.

Frítekjumark fjármagnstekna í álagningu 2012

Frítekjumark vegna vaxtatekna er 100.000 kr. á ári á mann. (200.000 kr. á ári hjá hjónum)
Frítekjumark vegna leigutekna manna af íbúðarhúsnæðis er 30% af leigutekjum.
Frítekjumark gildir ekki um arð, söluhagnað og leigutekjur af öðru en íbúðarhúsnæði.

Nánari upplýsingar um fjármagnstekjuskatt.

Skattleysismörk á mánuði	kr. 124.617
Skattleysismörk á ári	kr. 1.495.407

Tekið er tillit til 4% iðgjalds í lífeyrissjóð.

Persónuafsláttur á ári.	kr. 558.385
Persónuafsláttur á mánuði.	kr. 46.532

Hjá hjónum færist allur óráðstafaður persónuafsláttur til maka og kemur til lækkunar á reiknuðum tekjuskatti eða gengur til greiðslu á útsvari. Sama gildir um sambúðarfólk sem hefur heimild til samsköttunar og skilar sameiginlegu skattframtali.Skili sambúðar fólk ekki sameiginlegu skattframtali millifærist persónuafsláttur ekki.

Börn yngri en 16 ára fá ekki persónuafslátt. Miðað er við almanaksár (börn fædd 1996 eða síðar).

Eftirlifandi maki getur nýtt persónuafslátt hins látna í níu mánuði eftir andlát að andlátsmánuðinum meðtöldum.

Til að menn geti nýtt sér persónuafslátt við ákvörðun á staðgreiðslu á tekjuárinu þarf að afhenda launagreiðanda skattkort sitt.

Persónuafsláttur reiknast eingöngu þann tíma sem einstaklingur er heimilisfastur hérlendis.

Ákvarða skal persónuafslátt launatímabils þannig:

558.385 kr. / 366 x dagafjöldi launatímabils.

Nánari upplýsingar um persónuafslátt.

Sjómannaafsláttur sem ekki nýtist á móti tekjuskatti fellur niður.

Nánari upplýsingar um sjómannaafslátt.

Ökutækjastyrkur eru greiðslur launagreiðanda til launþega vegna afnota launþega á eigin bifreið í þágu rekstrar launagreiðanda.

Til frádráttar skal leyfa þann hluta af heildarrekstrarkostnaði bifreiðarinnar sem svarar til afnota hennar í þágu launagreiðanda, þó takmarkast frádráttur við leyfðan hámarksfrádrátt samkvæmt skattmati. Aldrei leyfist hærri fjárhæð til frádráttar en talin er til tekna sem ökutækjastyrkur. Heimilt er að færa til frádráttar hlutfallslega árlega afskrift sem nemur nýtingu mest einnar bifreiðar í eigu launþega.

Sérstakt gjald er greitt vegna aksturs á vegum fyrir almenna umferð þar sem ekki er bundið slitlag.

Torfærugjald er greitt vegna aksturs utan vega eða á vegaslóðum sem ekki eru færir fólksbílum.

Gera verður fullnægjandi grein fyrir því að forsendur fyrir greiðslu sérstaks gjalds og torfærugjalds séu uppfylltar.

Nánari upplýsingar ökutækjastyrk.

Frádráttur er heimill á móti þeim dagpeningum sem er ætlað að standa undir kostnaði launþegans vegna fjarveru frá heimili sínu, annars vegar vegna gistikostnaðar og hins vegar vegna fæðiskaupa og annars tilfallandi kostnaðar sem af ferðinni hlýst.

Heimild til að draga frá kostnað á móti dagpeningum er bundin eftirfarandi skilyrðum:

1. Dagpeningarnir hafi verið greiddir vegna tilfallandi ferða á vegum launagreiðandans utan venjulegs vinnustaðar og launþeginn greitt gistingu og fæði og annan ferðatengdan kostnað, svo sem fargjöld að og frá flugvöllum.
2. Gögn um tilefni ferðar og fjölda dvalardaga, fjárhæð ferðapeninga eða dagpeninga, svo og nafn og kennitala launþega, verða að liggja fyrir í bókhaldi launagreiðanda, sem og hjá launþega. Jafnframt þarf launþegi að geta lagt fram gögn um útlagðan kostnað sé þess óskað.

Nánari upplýsingar um dagpeninga.

Sé dvalið skemur en 3 vikur á sama stað er heimilt að draga frá óskerta almenna dagpeninga. Sé dvalið 3 vikur eða lengur á sama stað er heimilt að draga frá óskerta almenna dagpeninga fyrstu vikuna en síðan þjálfunar-, náms-, eða eftirlitsdagpeninga. Fari dvöl erlendis vegna þjálfunar-, náms-, eða eftirlitsstarfa fram úr 3 mánuðum skal frádráttur vegna þjálfunar-, náms-, og eftirlitsdagpeninga lækka um fjórðung þann tíma sem dvalið er lengur en 3 mánuði.

Hafi gisting launþega verið greidd samkvæmt reikningi er honum einungis heimilt að draga fjárhæð samsvarandi „Annað” frá fengnum dagpeningum.

Hafi starfsmaður fengið greidda dagpeninga fyrir samfellda dvöl 30 daga eða lengur skulu viðmiðunarfjárhæðir almennra dagpeninga og vegna þjálfunar-, náms-, eða eftirlitsstarfa lækka um 10 SDR fyrir hvern dag sem dagpeningagreiðslur fara yfir 30 daga samfellt.

Frá tekjum manna af atvinnurekstri eða sjálfstæðri starfsemi er heimilt, í stað þess að ferðakostnaður annar en gisti- og fæðiskostnaður erlendis sé dreginn frá samkvæmt reikningi, að draga frá fasta fjárhæð, sem hæst getur orðið 30% af þeim hluta dagpeninga, sbr. framangreint, sem er vegna annars kostnaðar en gistingar.

Þegar dagpeningar eru umreiknaðir í íslenskar krónur skal miða við sölugengi eins og það var í lok ferðar.

SDR er gjaldmiðlakarfa ákvörðuð af Alþjóðagjaldeyrissjóðnum. Karfan samanstendur af fjórum gjaldmiðlum, bandaríkjadal (USD), bresku pundi (GBP), evru (EUR) og japönsku yeni (JPY). Peningamálasvið Seðlabanka Íslands ákvarðar daglega gengi SDR gagnvart íslensku krónunni.

(Upplýsingar um SDR eru teknar af heimasíðu Seðlabanka Íslands, www.sedlabanki.is)

Sé dvöl launþega erlendis vegna tímabundinna almennra starfa þar á vegum íslensks launagreiðanda eiga reglur um erlenda dagpeninga ekki við en honum er þá heimilt að draga frá sérgreindum greiðslum, sem hann kann að hafa fengið vegna uppihalds, fjárhæð sem hæst getur orðið 30 SDR á dag í allt að þrjú ár. Skiptir ekki máli í þessu sambandi þótt launþegi komi í stuttar heimsóknir hingað til lands á umræddu tímabili.

Fólksbifreið er launagreiðandi lætur starfsmanni sínum í té til fullra og ótakmarkaðra umráða skal meta starfsmanni til tekna óháð notkun hans á bifreið.

Með fólksbifreið er jafnframt átt við skutbifreið, jeppabifreið eða aðra bifreið sem hægt er að hafa sambærileg not af.

Hafi starfsmaður fleiri en eina bifreið frá launagreiðanda sínum til fullra eða ótakmarkaðra umráða samtímis fyrir sig eða fjölskyldu sína skal reikna starfsmanninum til hlunninda umráð hans yfir hverri bifreið fyrir sig.

Bifreiðahlunnindi í staðgreiðslu reiknast af verðmæti bifreiðar skv. bifreiðaskrá viðkomandi tekjuárs. Sækja skal verð bifreiðar í bifreiðaskrá þess árs þegar bifreiðin var tekin í notkun og margfalda með verðbreytingastuðli viðkomandi árs. Í bifreiðaskránni er einnig að finna uppreiknað verð bifreiða. Sjá bifreiðaskrá.

Heimilt er að miða við staðgreiðsluverð nýrrar bifreiðar sömu tegundar á staðgreiðsluárinu reynist það lægra.

Bifreið telst tekin í notkun:

• á framleiðsluári ef notuð bifreið er flutt til landsins
• á fyrsta skráningardegi samkvæmt skráningu hjá umferðastofu ef ónotuð bifreið er flutt til landsins

Sé bifreiðar ekki getið í bifreiðaskrá og ekki er unnt að fá upplýsingar um verð hennar annars staðar, skal miða við verð á sambærilegum bifreiðum.

Heimilt er að miða verð til útreiknings á bifreiðahlunnindum við upphaflegt kaupverð bifreiðar eins og það er fyrst skráð í ökutækjaskrá hjá Umferðastofu margfölduðu með verðbreytingastuðli kaupárs.

Verð á hvers konar auka- eða sérútbúnaði bifreiðar kemur EKKI til viðbótar verði bifreiðar.

Dæmi um útreikning á bifreiðahlunnindum:

Launþegi með ótakmörkuð afnot af bifreið er tekin var í notkun á árinu 2007. Launagreiðandi greiðir rekstrarkostnað. Verðmæti kr. 1.500.000 skv. bifreiðaskrá 2007.

1.500.000 x 1,6256 (verðbreytingastuðull) = 2.438.400

2.438.400 x 21% = 512.064 kr. á ári

Nánari upplýsingar um bifreiðahlunnindi.

Fólksbifreið er launagreiðandi lætur starfsmanni sínum í té til takmarkaðra afnota skal meta starfsmanni til tekna að svo miklu leyti sem hann notar bifreið í eigin þágu.

Með takmörkuðum afnotum er átt við að launamanni sé eingöngu heimilt að nota bifreið utan vinnutíma til aksturs milli heimilis og vinnustaðar og til einstakra tilfallandi afnota, enda sé hún að öðru leyti notuð í daglegum rekstri launagreiðanda.

Nánari upplýsingar um bifreiðahlunnindi.

Telja skal til skattskyldra hlunninda starfsmanns notkun flugvéla (vélknúinna flugtækja) sem launagreiðandi hefur forráð yfir, þ.e. er í eigu launagreiðanda eða aðila sem er honum tengdur, eða hann hefur á leigu frá skyldum eða óskyldum aðila, ef ferð telst vera í einkaþágu starfsmanns, fjölskyldu hans eða annarra aðila á hans vegum. Orlofs- og skemmtiferðir og ferðir sem farnar eru vegna viðburða sem ekki tengjast með beinum hætti starfi í þágu launagreiðanda teljast vera í einkaþágu. Ferðir til og frá starfsstöðvum launagreiðanda bæði innanlands og utan teljast ekki í einkaþágu starfsmanns í þessu sambandi.

Með flugtíma er átt við þann tíma sem ferð tekur frá því flugvél fer frá stæði á flugvelli þar til hún hefur verið stöðvuð á stæði að ferð lokinni. Sé flugvél látin bíða eftir farþega milli ferða bætist sá tími við flugtíma. Sé flugvél flogið til baka án farþega bætist sá flugtími einnig við flugtíma til útreiknings á hlunnindum.

Það er á ábyrgð launagreiðanda að fylgjast með notkun slíkra flugvéla sem hér um ræðir og reikna hlunnindi af notkun þeirra, eftir því sem efni standa til, og halda eftir staðgreiðslu af þeim hlunnindum.

Morgunverður*	kr. 300
Hádegis- eða kvöldverður*	kr. 450
Fullt fæði á dag*	kr. 1.200
Íbúðarhúsnæði og orlofshús	Meira
Lán	Meira

* Ef um er að ræða börn yngri en 12 ára er heimilt að lækka fjárhæðir um fjórðung.

Eftirfarandi hlunnindi teljast ekki til tekna:

• Almennar kaffiveitingar starfsmanna á starfsstöð
• Afnot starfsmanna af heilsubótaraðstöðu á starfsstað
• Fyrirbyggjandi heilbrigðisþjónusta
• Þátttaka í námskeiðum sem tengjast starfi beint.
• Greiðsla frá launagreiðanda, eða eftir atvikum stéttarfélagi, sem ætlað er að standa straum af kostnaði við íþróttaiðkun að því marki sem slík greiðsla fer ekki yfir 40.000 kr. á ári. Skilyrði er að starfsmaður leggi fram fullgilda og óvéfengjanlega reikninga fyrir greiðslu á viðkomandi kostnaði. Með kostnaði við íþróttaiðkun er átt við greiðslu á aðgangi að líkamsræktarstöðvum, sundlaugum og skíðasvæðum, greiðslu á æfingagjöldum í íþróttasali og félagsgjöldum í golfklúbba sem og þátttökugjald vegna annarrar hreyfingar sem stunduð er með reglubundnum hætti.

• Árshátíð starfsmanna, starfsmannaferðir, jólagleði og sambærilegar samkomur og viðburðir, enda sé að jafnaði um að ræða viðburði sem standa öllum starfsmönnum launagreiðandans til boða og árlegur kostnaður nemi ekki hærri fjárhæð en 100.000 kr. á hvern starfsmann. Ef kostnaður nemur hærri fjárhæð skal telja það til hlunnandi sem umfram er, hvernig sem fyrirkomulagi á greiðslum launagreiðanda er háttað.
• Greiðsla launagreiðanda á venjulegum fargjöldum með almenningsvögnum í reglubundnum fólksflutningum að hámarki 5.000 kr. á mánuði, enda sé til þess ætlast af launagreiðanda að þessi ferðamáti sé nýttur vegna ferða í hans þágu.

  Launagreiðanda er á sama hátt heimilt að greiða starfsmönnum 5.000 kr. á mánuði vegna kostnaðar við önnur farartæki, t.d. reiðhjól, sem nýtt eru vegna ferða í þágu launagreiðandans, án þess að slík greiðsla teljist til skattskyldra tekna starfsmanns. Undanþegin fjárhæð getur aldrei farið yfir 5.000 kr. á mánuði þótt greitt sé fyrir fleiri en einn ferðamáta.

• Ekki skal telja til tekna starfsmanns greiðslu frá launagreiðanda, eða eftir atvikum stéttarfélagi, sem ætlað er að standa straum af kostnaði við leigu á orlofshúsnæði eða með öðrum hætti til greiðslu á orlofsdvöl, að því marki sem slík greiðsla fer ekki yfir 40.000 kr. á ári. Skilyrði er að starfsmaður leggi fram fullgilda og óvefengjanlega reikninga fyrir greiðslu á kostnaði vegna orlofsdvalar þessarar.
• Endurgjaldslaus afnot starfsmanns af orlofshúsnæði frá launagreiðanda í allt að 10 daga á ári. Endurgjaldslaus afnot umfram þann tíma telst til tekna með 2.000 kr. fyrir hvern dag.
• Einkennisfatnað sem starfsmönnum er ætlað að nota við störf sín, eða annan þann fatnað sem auðkenndur er eða merktur launagreiðanda, og einkum er notaður vegna starfa í þágu hans.
• Nauðsynlegan öryggis- eða hlífðarfatnað sem launagreiðandi afhendir honum til afnota við störf hans, þ.m.t. er sá öryggis og hlífðarfatnaður sem launagreiðendum er skylt skv. lögum, stjórnvaldsfyrrimælum og kjarasamningum að afhenda launþegum án endurgjalds.

Gjaldið er lagt á alla einstaklinga á aldrinum 16-69 ára í lok árs 2011 (fædd 1942 og síðar) sem eru með tekjuskattsstofn umfram 1.421.780 kr. á árinu 2011. Fjármagnstekjur eru hér meðtaldar. Hjá hjónum og samsköttuðu fólki eru sameiginlegum fjármagnstekjum skipt jafnt á milli þeirra þegar tekjuviðmiðun er fundin.

Elli- og örorkulífeyrisþegar sem eru vistmenn á dvalar- og hjúkrunarheimilum eru undanþegnir gjaldinu.

Gjaldið er lagt á þá einstaklinga sem ber að greiða gjald í Framkvæmdasjóð aldraðra og lögaðila sem bera sjálfstæða skattaðild, önnur en dánarbú, þrotabú og þá lögaðila sem undanþegnir eru skattskyldu samkvæmt lögum um tekjuskatt.

Auðlegðarskattur er lagður á nettóeign (eignir að frádregnum skuldum) einhleypings umfram 75 milljónir kr. og að 150 milljónum kr. og nettóeign hjóna/sambýlisfólks umfram 100 milljónir kr. allt að 200 milljónum kr. er lagður 1,5% auðlegðarskattur.

Á nettóeign einhleypings umfram 150 milljónir kr. og nettóeign hjóna/sambýlisfólks umfram 200 milljónir kr. er lagður 2,0% auðlegðarskattur.

Skatturinn er ekki lagður á lögaðila.

Vaxtabætur eru reiknaðar í álagningu.

Heimilt er að greiða ársfjórðungslega fyrirfram áætlaðar vaxtabætur til þeirra sem festa kaup á íbúðarhúsnæði til eigin nota. Við álagningu að tekjuári liðnu fer fram endanleg ákvörðun á vaxtabótum fyrir tekjuárið.

Frestur til að sækja um fyrirframgreiðslu vaxtabóta er í einn mánuð eftir að ársfjórðungi lýkur.

• Vegna 1. ársfjórðungs (jan., feb., mars) er frestur til 30. apríl
• Vegna 2. ársfjórðungs (apr., maí, júní) er frestur til 31. júlí
• Vegna 3. ársfjórðungs (júlí, ág., sept.) er frestur til 31. október
• Vegna 4. ársfjórðungs (okt., nóv., des.) er frestur til 31. janúar

Fyrirframgreiðsla vaxtabóta er greidd ársfjórðungslega, fjórum mánuðum eftir lok hvers ársfjórðungs.

• Vaxtabætur fyrir 1. ársfjórðung eru greiddar 1. ágúst
• Vaxtabætur fyrir 2. ársfjórðung eru greiddar 1. nóvember
• Vaxtabætur fyrir 3. ársfjórðung eru greiddar 1. febrúar
• Vaxtabætur fyrir 4. ársfjórðung eru greiddar 1. maí

Vaxtabætur greiðast eingöngu til þeirra sem bera fulla og ótakmarkaða skattskyldu hérlendis.

Ótakmörkuð skattskylda hvílir á þeim sem heimilisfastir/búsettir eru hér á landi og þeim er dvelja hér á landi lengur en samtals 183 daga á sérhverju 12 mánaða tímabili.

Vaxtabætur vegna þess árs þegar maður aflar sér íbúðarhúsnæðis og hefur ekki fengið greiddar vaxtabætur árið áður reiknast frá og með þeim ársfjórðungi sem fyrsta fasteignaveðlán vegna kaupanna er tekið. Skal hámark vaxtagjalda, tekjuskattsstofn og hámark vaxtabóta þá ákveðið hlutfallslega miðað við það.

Námsmenn erlendis geta átt rétt á vaxtabótum hér á landi, þrátt fyrir búsetu erlendis. Rétturinn er bundinn því skilyrði að viðkomandi hafi skattalega heimilisfesti hér á landi.

Vaxtagjöld af lánum vegna íbúðarhúsnæðis til eigin nota mynda stofn til vaxtabóta. Hér er átt við lán vegna:

• kaupa á íbúðarhúsnæði
• byggingar íbúðarhúsnæðis
• verulegra endurbóta á íbúðarhúsnæði (á eingöngu við um lán frá Íbúðalánasjóði)
• greiðsluerfiðleika, þ.e. lán sem sannanlega eru tekin til greiðslu á lánum sem notuð voru til öflunar íbúðarhúsnæðis.
• kaupa á eignarhlut í almennri kaupleiguíbúð skv. 76. gr. laga nr. 97/1993.

Vaxtabætur eru bæði tekju- og eignatengdar.

Áhrif tekna og eigna á vaxtabætur:

Stofn til útreiknings:

Vaxtagjöld til útreiknings vaxtabóta er sú fjárhæð sem lægst er af 1), 2) og 3).

1. Vaxtagjöld skv. reit 87 og/eða 166 á framtali
2. 7% af eftirstöðvum skulda skv. reit 41, 45 eða 167
3. Hámark vaxtagjalda, sem er:

Einstaklingur	800.000 kr.
Einstætt foreldri	1.000.000 kr.
Hjón og sambúðarfólk	1.200.000 kr.

Tekjutenging

Frá vaxtagjöldum skv. framansögðu dragast 8% af tekjustofni og hlutfall af nettó eign. Mismunurinn er vaxtabætur, nema ef mismunurinn er hærri en hámark vaxtabóta og/eða ef kemur til skerðingar vegna eigna.

Tekjustofn til útreiknings vaxtabóta er frábrugðinn tekjuskattsstofni að því leyti að fjármagnstekjur eru meðtaldar og laun frá alþjóðastofnunum sem ekki eru skattlögð koma inn í tekjustofn til útreiknings á vaxtabótum.

Sérstök greiðsla séreignarsparnaðar sem heimilað var tímabundið vegna sérstakra aðstæðna í þjóðfélaginu hefur ekki áhrif til skerðingar.

Endurreikningur gengistryggðra húsnæðis- og bílalána skapar ekki skattskyldar tekjur hjá skuldurum og hefur ekki áhrif á áður ákvarðaðar vaxtabætur.

Eignatenging

Vaxtabætur, eins og þær eru reiknaðar hér að ofan, skerðast ef eignir að frádregnum skuldum fara yfir mörk sem eru:

Hjá einstaklingi/einst. foreldri	4.000.000 kr.
Hjá hjónum/sambúðarfólki	6.500.000 kr.

Réttur til vaxtabóta fellur niður um leið og nettóeign verður:

Hjá einstaklingi/einst. foreldri	6.400.000 kr.
Hjá hjónum/sambúðarfólki	10.400.000 kr.

Barnabætur greiðast eingöngu til þeirra sem bera fulla og ótakmarkaða skattskyldu hérlendis vegna barna sem fædd eru á árunum 1994-2011.

Ótakmörkuð skattskylda hvílir á þeim sem heimilisfastir/búsettir eru hér á landi og þeim er dvelja hér á landi lengur en samtals 183 daga á sérhverju 12 mánaða tímabili.

Barnabætur skiptast í fjórar greiðslur yfir árið. Endanleg ákvörðun barnabóta fer fram við álagningu.

Fyrirframgreiðsla barnabóta upp í álagningu er greidd 1. febrúar og 1. maí. Fyrirframgreiðsla nemur samtals 50% af áætluðum barnabótum ársins. Við ákvörðun á fyrirframgreiðslu er tekið mið af upplýsingum úr staðgreiðsluskrá um launatekjur framfæranda og upplýsingum úr framtali fyrra árs.

Við uppgjör í ágúst er fyrirframgreiðslan dregin frá barnabótum eins og þær eru ákvarðaðar í álagningu. Eftirstöðvar eru greiddar út 1. ágúst og 1. nóvember.

Barnabætur skiptast jafnt á milli hjóna/sambúðarfólks. Miðað er við fjölskyldustöðu í árslok 2011, en breytingar innan ársins hafa ekki áhrif. Þeir sem halda heimili saman ásamt barni sínu eru taldir sameiginlegir framfærendur við útreikning á barnabótum þótt skilyrði fyrir skráningu á sambúð í þjóðskrá séu ekki uppfyllt.

Þegar flutt er til landsins á árinu þarf að óska sérstaklega eftir því við viðeigandi skattstofu ríkisskattstjóra að vera settur á fyrirframgreiðsluskrá. Sé það ekki gert eru barnabætur að fullu greiddar, samkvæmt álagningu, 1. ágúst og 1. nóvember.

Námsmenn erlendis geta átt rétt á barnabótum hér á landi, þrátt fyrir búsetu erlendis. Rétturinn er bundinn því skilyrði að viðkomandi hafi skattalega heimilisfesti hér á landi. Barnabætur eru þá reiknaðar með venjulegum hætti, en þær síðan lækkaðar um þá fjárhæð barnabóta sem námsmaður hefur fengið erlendis.

Ríkisborgarar í ríkjum EES, EFTA og Færeyja sem eiga rétt á barnabótum vegna barna sem ekki eru heimilisföst hér á landi verða að sækja sérstaklega um bæturnar.

Hjá hjónum/sambúðarfólki reiknast skerðing vegna tekna af samanlögðum tekjustofni. Allar fjármagnstekjur er meðtaldar. Einnig laun frá alþjóðastofnunum sem ekki eru skattlögð.

Sérstök greiðsla séreignarsparnaðar sem heimilað var tímabundið vegna sérstakra aðstæðna í þjóðfélaginu hefur ekki áhrif til skerðingar.

Endurreikningur gengistryggðra húsnæðis- og bílalána skapar ekki skattskyldar tekjur hjá skuldurum og hefur ekki áhrif á áður ákvarðaðar barnabætur.

Sérstök vaxtaniðurgreiðsla skal vera 0,6% af skuldum vegna lána sem tekin hafa verið vegna kaupa eða byggingar á íbúðarhúsnæði til eigin nota, þar með talin eru kaup á búseturétti og kaup á eignarhlut í almennri kaupleiguíbúð.

Miðað er við skuldastöðu í árslok 2011. Hjá þeim sem skattskyldir eru hluta úr ári vegna brottflutnings á tekjuárinu skal miða við skuldastöðu eins og hún var fyrir brottflutning. Í þeim tilvikum ákvarðast hámark sérstakrar vaxtaniðurgreiðslu í hlutfalli við dvalartíma á árinu.

Sérstök vaxtaniðurgreiðsla að viðbættum vaxtabótum má ekki vera hærri en vaxtagjöld ársins vegna kaupa eða byggingar á íbúðarhúsnæði til eigin nota, þ.m.t. eru kaup á búseturétti og kaup á eignarhlut í almennri kaupleiguíbúð.

Greiðsla sérstakrar vaxtaniðurgreiðslu skiptist í tvær greiðslur, þann 1. maí og 1. ágúst að lokinni álagningu opinberra gjalda.

Sérstök vaxtaniðurgreiðsla telst ekki til skattskyldra tekna.

Eignatenging

Sérstök vaxtaniðurgreiðsla skerðist hlutfallslega ef eignir að frádregnum skuldum fara yfir neðangreind mörk uns hún fellur niður við tvöfalda þá fjárhæð.

Hjá einstaklingi	10.000.000 kr.
Hjá einstæðu foreldri, hjónum/sambúðarfólki	15.000.000 kr.