Yfirlit

Lýsing og vefþjónusta fyrir skilagrein 5.44 er enn í vinnslu.

Eftirfarandi er lýsing á vefþjónustu sem tekur við skilagrein og sundurliðun vegna takmarkaðrar skattskyldu á Íslandi. Um er að ræða tvenns konar skil á staðgreiðslu:
a)Vegna þeirra aðila sem bera takmarkaða skattskyldu samkvæmt 3., 6. og 8. tölul. 3. gr. laga nr. 90/2003, um tekjuskatt, og laga nr. 45/1987, um staðgreiðslu opinberra gjalda. Nánari lýsingu má finna í leiðbeiningum með eyðublaði RSK 5.41
b)Vegna þeirra aðila sem bera takmarkaða skattskyldu samkvæmt 7. tl. 3. gr. laga nr. 90/2003 og skv. ákvæðum í lögum nr. 45/1987, um staðgreiðslu opinberra gjalda. Nánari lýsingu má finna í leiðbeiningum með eyðublaði RSK 5.44

Um staðgreiðslu skatta launþega sem falla undir 1. og 2. tölul. 3. gr. tekjuskattslaga gilda almennar reglur og skil á staðgreiðslu þeirra samkvæmt venjulegum staðgreiðsluskilum vegna launþega.

Lýsing þessi er aðallega ætluð tæknifólki sem sér um að setja upp sendingu upplýsinga til ríkisskattstjóra. Þó svo að hér sé um að ræða tæknilega lýsingu geta almennir notendur hugsanlega haft eitthvað gagn af henni.
Í breytingasögu má finna upplýsingar um breytingar sem gerðar hafa verið á þessari lýsingu ásam öðrum tæknilýsingum ríkisskattstjóra. Breytingasagan er aðgengileg sem efnisstraumur (Atom) sem hægt er að tengjast og fá skilaboð þegar henni er breytt.
Þeir aðilar sem ekki nýta sér vefþjónustuna geta skráð skilagrein og sundurliðun á þjónustusíðu ríkisskattstjóra. Nota skal veflykil staðgreiðslu við innskráningu.
Nánari upplýsingar veitir fridjon.bjarnason@rsk.is

Lýsing á vefþjónustu

Vefþjónustan tekur við XML skjali sem er sannreynt á móti XML sniði (schema). Ef það uppfyllir kröfur sniðsins eru gögnin villuprófuð. Eftirtaldar villur valda því að vinnslan er stöðvuð og einungis villuboðum er skilað:
XML villa.
Veflykill passar ekki við kennitölu sendanda.
Útgáfustrengur forrits (stak ForritHeiti) finnst ekki.

Ef engar af ofangreindum villum eru til staðar er hægt að vinna úr XML skjalinu. Þá er skilað XML skjali með villuboðum, ef einhver eru ásamt útreiknaðri staðgreiðslu. Eftirtaldar villur valda því að sendingunni er hafnað:
Skjalið inniheldur kennitölu sem ekki finnst í Þjóðskrá.
Heildarfjárhæð skilagreina tímabils er neikvæð (mínus).
Heildaupphæð greiðslu eða staðgreiðslu stemmir ekki við summu greiðslna.
Annars er skjalið móttekið og stofnuð krafa hjá Reiknistofu bankanna. Vinnslan reiknar staðgreiðslu fyrir allar greiðslur og skilar sérstöku staki fyrir hana í kafla Greidslur. Ef Mismunur er á skilaðri staðgreiðslu og reiknaðri staðgreiðslu koma villuboð í greiðslustakið. Í samtölustakið kemur einnig heildartala fyrir reiknaða staðgreiðslu ásamt villuboðum ef ekki stemmir. Heildarfjárhæð reiknaðrar staðgreiðslu er alltaf notuð þegar krafa er stofnuð.

Þessi skjöl innihalda lýsingar og snið fyrir villupróf:
Lýsing í mæltu máli.
XML snið.

Slóðin á vefþjónustuna er: https://secure.rsk.is/Stadgreidsla/StadgreidslaV1/Skilagrein.svc
Gerður hefur verið sérstakur kafli með lýsingu og dæmum til þess að auðvelda forritun á móti vefþjónustunni.

Eftirtaldar vefþjónustuaðgerðir eru í boði:

Prófanir

Til þess að hefja prófanir þarf notandi að hafa veflykil staðgreiðslu í testumhverfi. Einnig þarf að skrá útgáfustreng ef hann er ekki þegar til staðar.
Slóðin á testþjónustuna er: https://securep.rsk.is/Stadgreidsla/StadgreidslaV1/Skilagrein.svc

Skilagrein RSK 5.41

Skilagrein RSK 5.41 er skilað fyrir þá aðila sem bera takmarkaða skattskyldu samkvæmt 3., 6. og 8. tölul. 3. gr. laga nr. 90/2003 um tekjuskatt.

Aðgerðin ReiknaOgVilluprofa541 skilar upphaflegu skjali ásamt villuboðum, athugasemdum og reiknaðri staðgreiðslu í stökunum XmlVillur, Villubod og ReiknudStadgreidsla. Hentugt getur verið að nota þess aðgerð til að reikna staðgreiðslu áður en skilagrein er send. Aðgerðin SendaSkilagrein541 skilar sömu gögnum auk upplýsinga um um kröfu og kvittun í stakinu Svar.

XML snið (schema) fyrir skil á staðgreiðslu.
XML snið (schema) fyrir svar með villuboðum og athugasemdum.

Dæmi um XML skjal með skilagrein og sundurliðun.
Dæmi 1 um svar.
Dæmi 2 um svar.

Yfirkafli Greidandi:

Yfirkafli Vidtakandi:

Kafli Greidsla:

Skilagrein RSK 5.44

Þessi kafli er í vinnslu.

Skilagrein RSK 5.44 tekur til tekna erlendra aðila með takmarkaða skattskyldu (þ.m.t. þeir Íslendingar sem eru búsettir erlendis), af söluhagnaði og arði íslenskra hlutabréfa , stofnbréfa og annarra réttinda til hlutdeildar í hagnaði, sbr. 7. tölulið 3. gr. laga nr. 90/2003, um tekjuskatt.

Aðgerðin ReiknaOgVilluprofa544 skilar upphaflegu skjali ásamt villuboðum, athugasemdum og reiknaðri staðgreiðslu í stökunum XmlVillur, Villubod og ReiknudStadgreidsla. Hentugt getur verið að nota þess aðgerð til að reikna staðgreiðslu áður en skilagrein er send. Aðgerðin SendaSkilagrein544 skilar sömu gögnum auk upplýsinga um um kröfu og kvittun í stakinu Svar.

XML snið (schema) fyrir skil á staðgreiðslu.
XML snið (schema) fyrir svar með villuboðum og athugasemdum.

Dæmi um XML skjal með skilagrein og sundurliðun.
Dæmi 1 um svar.
Dæmi 2 um svar.

Yfirkafli Greidandi:

Yfirkafli Vidtakandi:

Tæknileg lýsing vefþjónustunnar

Vefþjónustan notar Windows Communication Foundation (WCF) frá Microsoft. Þar má finna nánari lýsingu á WCF.

WCF þjónustur nota svokallaða "endpoints" og öll samskipti við þjónusturnar fara fram gegnum þá. "Endpoint" samanstendur af "Address" "Binding" og "Contract".

Address er urlið á þjónustunni. Clientar sem nota sér þjónustuna verða að setja slóðina á vefþjónustunni sem þeir ætla að tala við þarna.

Binding er aðferðin sem notuð er við að tala við þjónustuna. Hægt er að nota http(s)/ tcp ofl. máta til að tala við þjónustuna. Þegar þjónustan er hýst á IIS eru samskiptin þó bundin við http(s).

Contract er samningurinn eða Interfacið sem þjónustan útfærir og skilgreinir hvernig skeytin sem fara á milli líta út.

Eins og fram kemur þegar farið er á slóð vefþjónustunnar er sýnt hvernig hægt er að nota svcutil.exe til að búa til client. SvcUtil er hægt að downloada sérstaklega (http://msdn.microsoft.com/en-us/vstudio/aa973758.aspx) en séu menn með VisualStudio 2008 uppsett eiga þeir það til á vélinni sinni.

Fljótlegasta leiðin til að búa til client á WCF þjónustu er að gera Add Service reference (Add web reference er gamla leiðin til að gera þetta) úr VisualStudio og setja inn urlið á vefþjónustunni. Þá er búinn til proxy klasi og web.config eða app.config skrá búin til með nauðslynlegum endpoint stillingum til að tala við þjónustuna. Hér fyrir neðan eru hlekkir á dæmi um endpoint sem verður til við að búinn er til service referenc e á vefþjónustuna í prófun(Umhverfið býr þessar stillingar til):

Dæmi um Endpoint.

Dæmi um Bind.

Stundum þarf að eiga við stillingarnar td. maxReceivedMessageSize og maxArrayLength hef ég þurft að stækka, default gildin í þessu eru frekar lítil af öryggisástæðum. Þar sem þjónustan notar https þá verður til wsHttpBinding sem er notað þegar um er að ræða https. Væri vefþjónustan .asmx þjónusta væri basicHttpBinding notuð. Annað sem vert er að nefna er að security mode = Transport verður að nota þegar um https samskipti er að ræða.

Dæmi um hvernig kallað er í vefþjónustuna (SendaSkilagrein541) þegar búið er að gera Service reference á hana.

TskSendingar.TskThjonustur.SkilagreinClient thjon =
new TskSendingar.TskThjonustur.SkilagreinClient();
FileStream inputStream = File.Open(InputName, FileMode.Open);
Stream resp = thjon.SendaSkilagrein541(InputName, inputStream);
string guidSkra = System.Guid.NewGuid().ToString();
string keyrsluFolder = Application.ExecutablePath;
string filename = keyrsluFolder + guidSkra + ".xml";
SaveStreamToFile(resp, filename);