Sjá nánar 37. gr. laga um sjálfseignarstofnanir í atvinnurekstri.

Stofngögn sem leggja þarf inn til skráningar eru auk tilkynningareyðublaðs, stofnfundargerð og samþykktir (skipulagsskrá). Stofngögn skulu undirrituð af stjórn. Æskilegt er að stofngögn séu gerð í þremur eintökum; eitt fer til fyritækjaskrár ríkisskattstjóra, annað til viðkomandi skattstjóra í þeim tilvikum sem skylt er að tilkynna um starfsemi félagsins á virðisaukaskattsskrá og þriðja eintakið fyrir félagið sjálft.

Eftirfarandi er:

• Sýnishorn af stofngögnum. Sýnishornið er í Word skjali sem hægt er að breyta og aðlaga að eigin þörfum, síðan prenta út og undirrita.
• Sýnishorn af stofnfundargerð.
• Eyðublaðið "Tilkynning um sjálfseignarstofnun í atvinnurekstri - RSK 17.22

Lágmarksstofnfé skal vera 1.000.000 kr.

Gæta þarf þess að:

• Tilkynningarblað sé fyllt út í samræmi við stofngögn.
• Rithandarsýnishorn séu rétt.
• Allar undirskriftir séu réttar.

Kennitala verður til við skráningu félags. ÍSAT-númer (íslensk atvinnugreinaflokkun) er skráð við stofnun samkvæmt upplýsingum stofnenda um aðalstarfsemi félagsins.

Kostnaður við skráningu sjálfseignarstofnunar í atvinnurekstri greiðist við afhendingu gagna (sjá gjaldskrá).