Rekstraraðilar sem eru ekki með rafræn bókhaldskerfi í skilningi reglugerðar nr. 598/1999, heldur með bókhaldskerfi sem uppfylla ákveðnar öryggiskröfur geta fengið heimild (ts-númer) til að prenta út sölureikninga í einriti.

Fyrirliggjandi í bókhaldi þarf að vera undirrituð yfirlýsing, þess efnis að viðkomandi bókhaldskerfi uppfylli ákveðnar öryggiskröfur, frá seljanda eða hönnuði viðkomandi bókhaldskerfis. ( sjá sýnishorn)

• Sækja þarf um heimild til ríkisskattstjóra til að prenta út sölureikninga í einriti.
• Reikningseyðublöðin skulu vera fyrirfram tölusett (áprentuð númer) í samfelldri töluröð.
• Á sölureikningi í einriti skal koma fram að hann sé prentaður út í einriti skv. heimild ríkisskattstjóra og vísað í ts-númer viðkomandi heimildarbréfs, sbr. 3. mgr. 15. gr. reglugerðar nr. 50/1993.
• Þessi áritun getur t.d. verið: Sölureikningur þessi er prentaður í einriti skv. heimild ríkisskattstjóra , ts xxx/xx.
• Einu gildir hvort þessi áletrun er prentuð við útgáfu sölureiknings eða fyrirfram áprentuð á reikningseyðublöðin.

Undirritaðar yfirlýsingar frá seljendum/hönnuðum eftirfarandi bókhaldskerfa, þess efnis að þau uppfylli ákveðnar öryggiskröfur, liggja fyrir hjá embætti ríkisskattstjóra.

• Alvís
• Boði/A-FISH software
• Grettir 8.2
• Hansa Financials, First Office og Office/2 - útgáfa 3,9 og nýrri
• ÓpusAllt 4.1.004
• RJ 2008
• Snati verk- og fjárhagsbókhald, útgáfa 2004.1.0
• Stólpi fyrir MS-DOS, útgáfa 2000 og nýrri
• Stólpi fyrir Windows, útgáfa 2003.1 og nýrri
• TOK 2001 og nýrri
• TOK 4,7 og nýrri
• Xbókhald.is

Notendum þessara kerfa er bent á ákveðin skilyrði sem þeir þurfa að uppfylla til að fá ts-heimild.

Ef óskað er eftir ts-heimild til að prenta út sölureikninga í einriti, fyllið út umsókn