Almennt

Jöfnunargjald er lagt á fjarskiptafyrirtæki sem starfrækja fjarskiptanet eða þjónustu.

Gjaldið rennur í jöfnunarsjóð í vörslu Póst- og fjarskiptastofnunar. Jöfnunargjaldið skal nota til að standa straum af fjárframlögum samkvæmt VI. kafla laga nr. 81/2003 um fjarskipti.

Gjaldstofn

Gjaldstofn jöfnunargjalds er bókfærð velta, þ.e. rekstrartekjur sem fyrirtæki hefur af umræddri starfsemi hér á landi, sbr. 22. gr. laga nr. 81/2003 um fjarskipti.

Gjaldstig

Gjaldstig jöfnunargjalds er 0,10% frá og með tekjuárinu 2009.

Uppgjör

Gjaldið er lagt á við álagningu opinberra gjalda, en skila á framtali vegna jöfnunargjalds alþjónustu með skattframtali viðkomandi árs.

Frádráttarbærni

Jöfnunargjald má draga frá tekjum greiðanda á því rekstrarári þegar stofn þess myndaðist.

Lög

Lög nr. 81/2003 um fjarskipti.

Eyðublöð

RSK 1.11 Framtal vegna jöfnunargjalds alþjónustu.