Jöfnunargjald alþjónustu

Jöfnunargjald er lagt á fjarskiptafyrirtæki sem starfrækja fjarskiptanet eða þjónustu. Gjaldið rennur í jöfnunarsjóð í vörslu Póst- og fjarskiptastofnunar og á að nota til að standa straum af fjárframlögum samkvæmt lögum um fjarskipti.

Gjaldstofn

Gjaldstofn jöfnunargjalds er bókfærð velta, þ.e. rekstrartekjur sem fyrirtæki hefur af gjaldskyldri starfsemi hér á landi. 

Gjaldstig

Gjaldstig jöfnunargjalds er 0,10% frá og með tekjuárinu 2009.

Uppgjör

Gjaldið er lagt á við álagningu opinberra gjalda, en skila á gjaldstofni til jöfnunargjalds alþjónustu á forsíðu skattframtals RSK 1.04 viðkomandi árs.

Frádráttarbærni

Jöfnunargjald má draga frá tekjum greiðanda á því rekstrarári þegar stofn þess myndaðist.

Ítarefni

Hvar finn ég reglunar?

Almennt um jöfnunargjald - 22. gr. laga nr. 81/2003, um fjarskipti

Eyðublöð

Framtal vegna jöfnunargjalds alþjónustu - RSK 1.11


Til baka