Barnabætur

Reiknivél barnabótaAlmennt

Rétt til barnabóta eiga þeir sem bera hér á landi ótakmarkaða skattskyldu og hafa, í lok tekjuárs, á sínu framfæri börn sem eru yngri en 18 ára. Þeir sem bera hér á landi ótakmarkaða skattskyldu eru m.a. þeir sem eru heimilisfastir/búsettir hér og þeir sem dvelja hér á landi lengur en samtals 183 daga á sérhverju 12 mánaða tímabili.

Barnabætur eru reiknaðar í fyrsta skipti vegna barns í álagningu árið eftir að það fæðist og í síðasta skipti í álagningu á því ári sem 18 ára aldri er náð. Bæturnar skiptast í fjórar greiðslur yfir árið. Fyrirframgreiðsla upp í álagningu er greidd 1. febrúar og 1. maí. Við uppgjör í júlí er fyrirframgreiðslan dregin frá barnabótum eins og þær eru ákvarðaðar í álagningu og eftirstöðvarnar greiddar út 1. júlí og 1. október.

Barnabætur eru tekjutengdar og ákvarðaðar samkvæmt skattframtali. Fjármagnstekjur eru hér meðtaldar. Laun frá alþjóðastofnunum sem ekki eru skattlögð koma inn í tekjustofn til útreiknings á barnabótum. Tekjur erlendis hafa áhrif á útreikning barnabóta á sama hátt og tekjur hér á landi.

Til viðbótar barnabótum, samkvæmt framansögðu, eru sérstakar tekjutengdar barnabætur greiddar með börnum yngri en sjö ára á tekjuárinu.

Fjárhæð barnabóta

Fyrirframgreiðsla barnabóta

Fyrirframgreiðslan nemur 50% af áætluðum barnabótum ársins og greiðist með tveimur jöfnum greiðslum, 1. febrúar og 1. maí. Miðað er við fjölskyldustöðu samkvæmt Þjóðskrá eins og hún er 31. desember árið á undan. Við útreikning á skerðingu er miðað við upplýsingar um tekjur í staðgreiðslu fyrir síðustu 12 mánuði að viðbættum upplýsingum um tekjur utan staðgreiðslu af síðasta framtali.

Liggi ekki fyrir fullnægjandi upplýsingar að mati ríkisskattstjóra til að byggja ákvörðun barnabóta á, t.d. þegar framtali hefur ekki verið skilað árið áður, ákvarðast engin fyrirframgreiðsla nema að fenginni sérstakri umsókn frá framteljanda.

Þeir sem eiga lögheimili hér á landi en hafa haft aðsetur erlendis allt árið eða hluta úr ári þurfa að leggja fram staðfestar upplýsingar, frá þar til bæru stjórnvaldi í viðkomandi ríki, um tekjur eða tekjuleysi erlendis og greiddar barnabætur eða sambærilegar greiðslur áður en hægt er að ákvarða fyrirframgreiðslu. Sama á við hafi maki verið búsettur erlendis.

Leiðréttingar og breytingar á fyrirframgreiðslu

Hægt er að sækja um breytingu á fyrirframgreiðslu til ríkisskattstjóra á grundvelli fyrirliggjandi framtals ef tekjur samkvæmt því framtali víkja að verulegu leyti frá þeim upplýsingum sem lagðar voru til grundvallar við ákvörðun fyrirframgreiðslunnar. Að jafnaði er ekki tekin til greina umsókn nema að breytingin leiði a.m.k. til 25% hækkunar eða lækkunar á fyrirframgreiðslunni. Ósk um leiðréttingu þarf að hafa borist fyrir 1. júní.

Ákvörðun barnabóta

Hér er fjallað um helstu forsendur við ákvörðun á barnabótum.

Framfærendur barna

Eingöngu framfærendur barna eiga rétt á greiðslu barnabóta. Við ákvörðun þess hver telst framfærandi barns er fyrst og fremst litið til þess hjá hverjum barnið er skráð til heimilis í árslok samkvæmt Þjóðskrá og skiptir ekki máli þótt barnið hafi ekki verið á framfæri hans allt árið. Sá sem greiðir meðlag með barni telst ekki framfærandi í þessu sambandi.

Ef barn er skráð til heimilis annars staðar en hjá raunverulegum framfæranda, skal það leiðrétt með því að færa barn á framtal hans og skýringar ritaðar í athugasemdir. Að sama skapi skal barnið fært af framtali þeirra sem ekki teljast framfærendur í þessum skilningi.

Barnabætur hjóna og fólks í staðfestri samvist

Við álagningu skiptast barnabætur jafnt á milli hjóna og sama gildir um áætlaða fyrirframgreiðslu. Eigi hjón ekki sama lögheimili, vegna dvalar annars hjóna erlendis, greiðast barnabæturnar til þess foreldris sem barnið er skráð hjá enda liggi fyrir upplýsingar um tekjur beggja ásamt upplýsingum um barnabætur eða hliðstæðar greiðslur vegna sömu barna sem greiddar hafa verið erlendis. Sömu reglur gilda um pör í staðfestri samvist sem hafa barn á sínu framfæri.

Barnabætur sambúðarfólks

Barnabætur sambúðarfólks sem uppfyllir skilyrði fyrir samsköttun í lok tekjuársins skiptast á milli þeirra eins og hjá hjónum, hvort sem þau óska samsköttunar eða ekki. Við ákvörðun á fjárhæð bótanna er miðað við samanlagðar tekjur samkvæmt skattframtölum beggja. Skilyrði fyrir samsköttun er að sambúð tveggja einstaklinga hafi verið skráð eða megi skrá í Þjóðskrá, enda eigi þau barn saman eða eigi von á barni saman eða hafi verið samvistum í samfellt eitt ár hið minnsta. 

Að sama skapi teljast þeir sem halda heimili saman ásamt barni sínu framfærendur þótt skilyrði til skráningar á sambúð séu ekki uppfyllt. Við slíkar aðstæður skal ákvarða barnabætur eins og um hjón sé að ræða.

Barnabætur einstæðra foreldra

Einstætt foreldri fær greiddar óskiptar barnabætur með barni sem það hefur á sínu framfæri. Með einstæðu foreldri er átt við þá sem hafa barn sitt hjá sér og einir annast framfærslu þess. Sá sem greiðir meðlag með barni telst ekki framfærandi í þessu sambandi.

Sameiginleg forsjá

Barnabætur fær sá sem hefur barnið hjá sér og annast framfærslu þess. Sameiginlegt forsjá hefur ekki áhrif þar á.

Sambúð hófst á árinu

Taki einstætt foreldri upp óvígða sambúð á það rétt á að halda barnabótum sem einstætt foreldri þar til það uppfyllir skilyrði skattalaganna fyrir samsköttun. Sjá nánar umfjöllun um barnabætur sambúðarfólks.

Skilnaður / samvistarslit

Hafi hjón slitið samvistum fyrir árslok og samvistarslitin eru undanfari skilnaðar reiknast barnabætur eins og hjá einstæðu foreldri samkvæmt framtali þess hjóna sem barnið er skráð hjá.

Foreldri yngra en 16 ára

Ef foreldri er yngra en 16 ára fær það sjálft ekki úthlutað barnabótum vegna barns síns heldur framfærandi þess, þ.e. framfærandi foreldris barnsins. Það breytir ekki ákvörðun barnabóta þó foreldri barnsins taki upp sambúð áður en það nær 16 ára aldri.

Framfærandi fær þannig barnabætur bæði vegna barns og barnabarns og ákvarðast þær miðað við hjúskaparstöðu. Tekjur framfæranda eða framfærenda, koma eingöngu til skerðingar á barnabótunum. Tekjur ungmennis sem ekki hefur náð 16 ára aldri koma ekki til skerðingar.

Þegar foreldri barns hefur náð 16 ára aldri telst það framfærandi barns síns og fær þá sjálft úthlutað barnabótum eftir það.

Aðrar forsendur fyrir ákvörðun barnabóta

Neðangreind atriði hafa einnig áhrif á ákvörðun og útreikning barnabóta.

Flutningur milli landa

Hjá þeim sem ekki eru búsettir á Íslandi allt árið eru barnabætur hlutfallaðar samkvæmt dvalartíma á Íslandi. Þetta á þó ekki við um námsmenn erlendis sem halda skattalegri heimilisfesti á Íslandi, þeir eiga rétt á barnabótum hér á landi að því marki sem þær eru hærri en fengnar barnabætur eða hliðstæðar greiðslur erlendis frá.

Námsmenn erlendis

Námsmenn sem dvelja erlendis við nám geta átt rétt á barnabótum ef umsókn þeirra um skattalega heimilisfesti er samþykkt. Sótt er um skattalega heimilisfesti með framtali. Eftirfarandi gögn þurfa að fylgja með:

  • Staðfesting á tekjum eða tekjuleysi erlendis. Þegar um hjón eða sambúðarfólk er að ræða þarf að gera grein fyrir tekjum beggja. Ljósrit af framtali eða álagningargögnum sem bera með sér hverjar tekjur erlendis hafi verið þarf að liggja fyrir.
  • Staðfesting um barnabætur erlendis, frá þar til bæru stjórnvaldi. Einnig ber að skila inn staðfestingu þegar barnabætur eru ekki greiddar erlendis.
  • Staðfesting á námi.

Barnabætur eru ákvarðaðar samkvæmt skattframtali og sé um hjón að ræða þurfa í öllum tilvikum að liggja fyrir upplýsingar um tekjur beggja. Frá barnabótum dragast barnabætur eða hliðstæðar greiðslur erlendis.  Ekki er hægt að reikna fyrirframgreiðslu fyrr en framtal liggur fyrir ásamt upplýsingum um bætur erlendis.

Barnabætur í EES ríkjum

Menn með ótakmarkaða skattskyldu á Íslandi, sem starfa í öðru ríki á evrópska efnahagssvæðinu og hafa á framfæri sínu barn sem heimilisfast er hér á landi, geta átt rétt á barnabótum í atvinnuríkinu. Ef maki verður eftir á Íslandi og starfar hér telst réttur til barnabóta vera fyrst hér á landi, en ef barnabætur eru hærri í hinu ríkinu þá ber því ríki að greiða mismuninn.

Með börnum sem ekki eru heimilisföst hér á landi en eru á framfæri manna sem eru ríkisborgarar í landi innan evrópska efnahagssvæðisins, aðildarríkis stofnsamnings Fríverslunarsamtaka Evrópu eða í Færeyjum, en starfa hér á landi og bera hér fulla skattskyldu, má ákvarða barnabætur hér á landi. Sama á við um börn þeirra sem tryggðir eru skv. 12., 13. eða 14. gr. laga um almannatryggingar.

Umsækjandi skal leggja fram fullnægjandi gögn frá bæru stjórnvaldi í því ríki sem börnin eru heimilisföst. Þau eru m.a.:

  • Útfyllt E-411 vottorð.
  • Staðfest afrit af skattframtali maka eða sé maki tekjulaus, þá staðfestingu á tekjuleysi frá skattyfirvöldum í heimalandi.
  • Staðfestingu á hjúskaparstöðu í árslok þess árs sem sótt er um fyrir.

Erlendis búsettir sem koma til landsins til tímabundinna starfa eiga ekki rétt á barnabótum hér á landi þó þeir hafi á framfæri sínu barn sem dvelst hér með viðkomandi, ef dvalartíminn er styttri en 183 dagar á tólf mánaða tímabili.

Fjárhæðir

Fjárhæðir 2017

Hjón og sambúðarfólk    
Með fyrsta barni kr. 205.834
Með hverju barni umfram eitt  kr. 245.087
Einstæðir foreldrar    
Með fyrsta barni kr. 342.939
Með hverju barni umfram eitt kr. 351.787
Viðbót *
 
Með hverju barni yngra en 7 ára kr. 122.879

Hjá hjónum og sambúðarfólki reiknast skerðing vegna tekna af samanlögðum tekjustofni umfram 5.400.000 kr. og hjá einstæðu foreldri af tekjustofni umfram 2.700.000 kr.  Sé um að ræða eitt barn skerðast barnabætur um 4% af tekjum umfram þessi mörk, ef börnin eru tvö um 6% og ef börnin eru þrjú eða fleiri um 8%.

* Skerðing á viðbót vegna barna yngri en 7 ára er reiknuð sér. Hún er 4% af tekjum umfram mörk, fyrir hvert barn.

Barnabætur skiptast jafnt á milli hjóna/sambúðarfólks. Barnabætur sem eru lægri en 5.000 kr. á mann falla niður.

Tekjustofn til útreiknings barnabóta er frábrugðinn tekjuskattsstofni að því leyti að fjármagnstekjur eru hér meðtaldar. Laun frá alþjóðastofnunum sem ekki eru skattlögð koma inn í tekjustofn til útreiknings á barnabótum. Sérstök útgreiðsla séreignarsparnaðar kemur hins vegar ekki inn í útreikning barnabóta.


Fjárhæðir 2016

Hjón og sambúðarfólk    
Með fyrsta barni kr. 199.839
Með hverju barni umfram eitt  kr. 237.949
Einstæðir foreldrar    
Með fyrsta barni kr. 332.950
Með hverju barni umfram eitt kr. 341.541
Viðbót *
 
Með hverju barni yngra en 7 ára kr. 119.300

Hjá hjónum og sambúðarfólki reiknast skerðing vegna tekna af samanlögðum tekjustofni umfram 4.800.000 kr. og hjá einstæðu foreldri af tekjustofni umfram 2.400.000 kr.  Sé um að ræða eitt barn skerðast barnabætur um 4% af tekjum umfram þessi mörk, ef börnin eru tvö um 6% og ef börnin eru þrjú eða fleiri um 8%.

* Skerðing á viðbót vegna barna yngri en 7 ára er reiknuð sér. Hún er 4% af tekjum umfram mörk, fyrir hvert barn.

Barnabætur skiptast jafnt á milli hjóna/sambúðarfólks. Barnabætur sem eru lægri en 5.000 kr. á mann falla niður.

Tekjustofn til útreiknings barnabóta er frábrugðinn tekjuskattsstofni að því leyti að fjármagnstekjur eru hér meðtaldar. Laun frá alþjóðastofnunum sem ekki eru skattlögð koma inn í tekjustofn til útreiknings á barnabótum. Sérstök útgreiðsla séreignarsparnaðar kemur hins vegar ekki inn í útreikning barnabóta.

Fjárhæðir 2015

Hjón og sambúðarfólk    
Með fyrsta barni kr. 194.081
Með hverju barni umfram eitt  kr. 231.019
Einstæðir foreldrar    
Með fyrsta barni kr. 323.253
Með hverju barni umfram eitt kr. 331.593
Viðbót *
 
Með hverju barni yngra en 7 ára kr. 115.825

Hjá hjónum og sambúðarfólki reiknast skerðing vegna tekna af samanlögðum tekjustofni umfram 4.800.000 kr. og hjá einstæðu foreldri af tekjustofni umfram 2.400.000 kr.  Sé um að ræða eitt barn skerðast barnabætur um 4% af tekjum umfram þessi mörk, ef börnin eru tvö um 6% og ef börnin eru þrjú eða fleiri um 8%.

* Skerðing á viðbót vegna barna yngri en 7 ára er reiknuð sér. Hún er 4% af tekjum umfram mörk, fyrir hvert barn.

Barnabætur skiptast jafnt á milli hjóna/sambúðarfólks. Barnabætur sem eru lægri en 5.000 kr. á mann falla niður.

Tekjustofn til útreiknings barnabóta er frábrugðinn tekjuskattsstofni að því leyti að fjármagnstekjur eru hér meðtaldar. Laun frá alþjóðastofnunum sem ekki eru skattlögð koma inn í tekjustofn til útreiknings á barnabótum. Sérstök útgreiðsla séreignarsparnaðar kemur hins vegar ekki inn í útreikning barnabóta.

Fjárhæðir 2014

Hjón og sambúðarfólk    
Með fyrsta barni kr. 167.564
Með hverju barni umfram eitt  kr. 199.455
Einstæðir foreldrar    
Með fyrsta barni kr. 279.087
Með hverju barni umfram eitt kr. 286.288
Viðbót *  
Með hverju barni yngra en 7 ára kr. 100.000

Hjá hjónum og sambúðarfólki reiknast skerðing vegna tekna af samanlögðum tekjustofni umfram 4.800.000 kr. og hjá einstæðu foreldri af tekjustofni umfram 2.400.000 kr.  Sé um að ræða eitt barn skerðast barnabætur um 3% af tekjum umfram þessi mörk, ef börnin eru tvö um 5% og ef börnin eru þrjú eða fleiri um 7%.

* Skerðing á viðbót vegna barna yngri en 7 ára er reiknuð sér. Hún er 3% af tekjum umfram mörk, fyrir hvert barn.

Barnabætur skiptast jafnt á milli hjóna/sambúðarfólks. Barnabætur sem eru lægri en 2.000 kr. á mann falla niður.

Tekjustofn til útreiknings barnabóta er frábrugðinn tekjuskattsstofni að því leyti að fjármagnstekjur eru hér meðtaldar. Laun frá alþjóðastofnunum sem ekki eru skattlögð koma inn í tekjustofn til útreiknings á barnabótum. Sérstök útgreiðsla séreignarsparnaðar kemur hins vegar ekki inn í útreikning barnabóta.

Fjárhæðir 2013

Hjón og sambúðarfólk
Með fyrsta barni kr. 167.564
Með hverju barni umfram eitt kr. 199.455
Einstæðir foreldrar
Með fyrsta barni kr. 279.087
Með hverju barni umfram eitt kr. 286.288
Viðbót *
Með hverju barni yngra en 7 ára kr. 100.000

Hjá hjónum og sambúðarfólki reiknast skerðing vegna tekna af samanlögðum tekjustofni umfram 4.800.000 kr. og hjá einstæðu foreldri af tekjustofni umfram 2.400.000 kr. Sé um að ræða eitt barn skerðast barnabætur um 3% af tekjum umfram þessi mörk, ef börnin eru tvö um 5% og ef börnin eru þrjú eða fleiri um 7%.

* Skerðing á viðbót vegna barna yngri en 7 ára er reiknuð sér. Hún er 3% af tekjum umfram mörk, fyrir hvert barn.

Barnabætur skiptast jafnt á milli hjóna/sambúðarfólks. Barnabætur sem eru lægri en 2.000 kr. á mann falla niður.

Tekjustofn til útreiknings barnabóta er frábrugðinn tekjuskattsstofni að því leyti að fjármagnstekjur eru hér meðtaldar. Laun frá alþjóðastofnunum sem ekki eru skattlögð koma inn í tekjustofn til útreiknings á barnabótum. Sérstök útgreiðsla séreignarsparnaðar kemur hins vegar ekki inn í útreikning barnabóta.

Fjárhæðir 2012

Hjón og sambúðarfólk
Með fyrsta barni kr. 152.331
Með hverju barni umfram eitt kr. 181.323
Einstæðir foreldrar
Með fyrsta barni kr. 253.716
Með hverju barni umfram eitt kr. 260.262
Viðbót *
Með hverju barni yngra en 7 ára kr. 61.191

Hjá hjónum og sambúðarfólki reiknast skerðing vegna tekna af samanlögðum tekjustofni umfram 3.600.000 kr. og hjá einstæðu foreldri af tekjustofni umfram 1.800.000 kr. Sé um að ræða eitt barn skerðast barnabætur um 3% af tekjum umfram þessi mörk, ef börnin eru tvö um 5% og ef börnin eru þrjú eða fleiri um 7%.

* Skerðing á viðbót vegna barna yngri en 7 ára er reiknuð sér. Hún er 3% af tekjum umfram mörk, fyrir hvert barn.

Tekjustofn til útreiknings barnabóta er frábrugðinn tekjuskattsstofni að því leyti að fjármagnstekjur eru hér meðtaldar. Laun frá alþjóðastofnunum sem ekki eru skattlögð koma inn í tekjustofn til útreiknings á barnabótum. Sérstök útgreiðsla séreignarsparnaðar kemur hins vegar ekki inn í útreikning barnabóta.

Fjárhæðir 2011

Hjón og sambúðarfólk    
Með fyrsta barni kr. 152.331
Með hverju barni umfram eitt kr. 181.323
Einstæðir foreldrar    
Með fyrsta barni kr. 253.716
Með hverju barni umfram eitt kr. 260.262
Viðbót *     
Með hverju barni yngra en 7 ára kr. 61.191

Hjá hjónum og sambúðarfólki reiknast skerðing vegna tekna af samanlögðum tekjustofni** umfram kr. 3.600.000 og hjá einstæðu foreldri af tekjustofni umfram kr. 1.800.000. Sé um að ræða eitt barn skerðast barnabætur um 2% af tekjum umfram þessi mörk, ef börnin eru tvö um 5% og ef börnin eru þrjú eða fleiri um 7%.

* Skerðing viðbótar vegna barna yngri en 7 ára er 3% af tekjum umfram ofangreind mörk, með hverju barni.

Tekjustofn til útreiknings barnabóta er frábrugðinn tekjuskattsstofni að því leyti að fjármagnstekjur eru meðtaldar. Laun frá alþjóðastofnunum sem ekki eru skattlögð koma inn í tekjustofn til útreiknings á barnabótum. Sérstök útgreiðsla séreignarsparnaðar kemur hins vegar ekki inn í útreikning barnabóta.

Fjárhæðir 2010

Hjón og sambúðarfólk    
Með fyrsta barni kr. 152.331
Með hverju barni umfram eitt kr. 181.323
Viðbót vegna barna yngri en 7 ára** kr. 61.191
Einstæðir foreldrar    
Með fyrsta barni kr. 253.716
Með hverju barni umfram eitt kr. 260.262
Viðbót vegna barna yngri en 7 ára** kr. 61.191

** Þessi hluti barnabótanna er ekki tekjutengdur.

Hjá hjónum og sambúðarfólki reiknast skerðing vegna tekna af samanlögðum tekjustofni* umfram kr. 3.600.000 og hjá einstæðu foreldri af tekjustofni umfram kr. 1.800.000.  Sé um að ræða eitt barn skerðast barnabætur um 2% af tekjum umfram þessi mörk, ef börnin eru tvö um 5% og ef börnin eru þrjú eða fleiri um 7%.

* Tekjustofn til útreiknings barnabóta er frábrugðinn tekjuskattsstofni að því leyti að fjármagnstekjur, aðrar en vaxtatekjur, eru hér meðtaldar. Laun frá alþjóðastofnunum sem ekki eru skattlögð koma inn í tekjustofn til útreiknings á barnabótum. Sérstök útgreiðsla séreignarsparnaðar kemur hins vegar ekki inn í útreikning barnabóta.

Fjárhæðir 2009

Hjón og sambúðarfólk    
Með fyrsta barni kr. 152.331
Með hverju barni umfram eitt kr. 181.323
Viðbót vegna barna yngri en 7 ára** kr. 61.191
Einstæðir foreldrar    
Með fyrsta barni kr. 253.716
Með hverju barni umfram eitt kr. 260.262
Viðbót vegna barna yngri en 7 ára** kr. 61.191

** Þessi hluti barnabótanna er ekki tekjutengdur.

Hjá hjónum og sambúðarfólki reiknast skerðing vegna tekna af samanlögðum tekjustofni* umfram kr. 3.600.000 og hjá einstæðu foreldri af tekjustofni umfram kr. 1.800.000.  Sé um að ræða eitt barn skerðast barnabætur um 2% af tekjum umfram þessi mörk, ef börnin eru tvö um 5% og ef börnin eru þrjú eða fleiri um 7%.

* Tekjustofn til útreiknings barnabóta er frábrugðinn tekjuskattsstofni að því leyti að fjármagnstekjur, aðrar en vaxtatekjur, eru hér meðtaldar. Laun frá alþjóðastofnunum sem ekki eru skattlögð koma inn í tekjustofn til útreiknings á barnabótum.

Fjárhæðir 2008

Hjón og sambúðarfólk    
Með fyrsta barni kr. 144.116
Með hverju barni umfram eitt kr. 171.545
Viðbót vegna barna yngri en 7 ára** kr. 57.891
   
 Einstæðir foreldrar    
Með fyrsta barni kr. 240.034
Með hverju barni umfram eitt kr. 246.227
Viðbót vegna barna yngri en 7 ára** kr. 57.891

** Þessi hluti barnabótanna er ekki tekjutengdur.

Hjá hjónum og sambúðarfólki reiknast skerðing vegna tekna af samanlögðum tekjustofni* umfram kr. 2.880.000 og hjá einstæðu foreldri af tekjustofni umfram kr. 1.440.000.  Sé um að ræða eitt barn skerðast barnabætur um 2% af tekjum umfram þessi mörk, ef börnin eru tvö um 5% og ef börnin eru þrjú eða fleiri um 7%.

* Tekjustofn til útreiknings barnabóta er frábrugðinn tekjuskattsstofni að því leyti að fjármagnstekjur, aðrar en vaxtatekjur, eru hér meðtaldar. Laun frá alþjóðastofnunum sem ekki eru skattlögð koma inn í tekjustofn til útreiknings á barnabótum.


Fjárhæðir 2007

Hjón og sambúðarfólk    
Með fyrsta barni kr. 139.647
Með hverju barni umfram eitt kr. 166.226
Viðbót vegna barna yngri en 7 ára* kr. 56.096
Einstæðir foreldrar    
Með fyrsta barni kr. 232.591
Með hverju barni umfram eitt kr. 238.592
Viðbót vegna barna yngri en 7 ára* kr. 56.096

* Þessi hluti barnabótanna er ekki tekjutengdur

Hjá hjónum og sambúðarfólki reiknast skerðing vegna tekna af samanlögðum tekjustofni** umfram kr. 2.231.195 og hjá einstæðu foreldri af tekjustofni umfram kr. 1.115.598. Sé um að ræða eitt barn skerðast barnabætur um 2% af tekjum umfram þessi mörk, ef börnin eru tvö um 6% og ef börnin eru þrjú eða fleiri um 8%.


Fjárhæðir 2006

Hjón og sambúðarfólk    
Með fyrsta barni kr. 139.647
Með hverju barni umfram eitt kr. 166.226
Viðbót vegna barna yngri en 7 ára* kr. 46.747
Einstæðir foreldrar    
Með fyrsta barni kr. 232.591
Með hverju barni umfram eitt kr. 238.592
Viðbót vegna barna yngri en 7 ára* kr. 46.747

* Þessi hluti barnabótanna er ekki tekjutengdur

Hjá hjónum og sambúðarfólki reiknast skerðing vegna tekna af samanlögðum tekjustofni** umfram kr. 1.859.329 og hjá einstæðu foreldri af tekjustofni umfram kr. 929.665. Sé um að ræða eitt barn skerðast barnabætur um 3% af tekjum umfram þessi mörk, ef börnin eru tvö um 7% og ef börnin eru þrjú eða fleiri um 9%.

Ítarefni

Hvar finn ég reglurnar?

Almennt um barnabætur – A-liður 68. gr. laga nr. 90/2003, um tekjuskatt

Almennt um barnabætur – reglugerð nr. 555/2004, um greiðslu barnabóta

Fyrirframgreiðsla barnabóta – 6. gr. reglugerðar nr. 555/2004, um greiðslu barnabóta

Hverjir teljast framfærendur – 1. mgr. A-liðar 68. gr. laga nr. 90/2003, um tekjuskatt

Hverjir teljast framfærendur – 2. gr. reglugerðar nr. 555/2004, um greiðslu barnabóta

Lögheimili - lög nr. 21/1990, um lögheimili

Menn tryggðir samkvæmt lögum um almannatryggingar – 12-14. gr. laga nr. 100/2007, um almannatryggingar

Ótakmörkuð skattskylda - 1. gr. laga nr. 90/2003, um tekjuskatt

Skattaleg heimilisfesti – 3. mgr. 69. gr. laga nr. 90/2003, um tekjuskatt

Skattaleg heimilisfesti – reglugerð nr. 648/1995, um réttindi og skyldur manna sem dveljast erlendis við nám

Skilyrði fyrir samsköttun - 3. mgr. 62. gr. laga nr. 90/2003, um tekjuskatt

Annað

Námsmenn erlendis

Ótakmörkuð skattskylda

Skattaleg heimilisfesti

Til baka