Ákvarðandi bréf nr. 1042/2003
Virðisaukaskattur - rekstur hafna.
6. október 2003
G-Ákv. 03-1042
Í tilefni af gildistöku nýrra hafnalaga nr. 61/2003 þann 1. júlí sl. og breytinga á lögum um virðisaukaskatt nr. 50/1988 varðandi virðisaukaskattsskyldu hafna hefur ríkisskattstjóri tekið saman leiðbeiningar um virðisaukaskatt af rekstri hafna. Í leiðbeiningunum sem dagsettar eru í dag, 6. október 2003, er gerð grein fyrir:
- skattskyldusviði virðisaukaskatts með starfsemi hafna í huga,
- virðisaukaskattsskyldu hafna,
- við hvaða aðstæður skattskyldum höfnum ber að innheimta virðisaukaskatt og hvenær ekki,
- skattverði virðisaukaskatts,
- skyldum varðandi reikningaútgáfu,
- reglum um virðisaukaskatt vegna tjónabóta.
Leiðbeiningarnar fylgja bréfi þessu og er þess vænst að NN komi leiðbeiningunum á framfæri við þær hafnir sem mynda sambandið. Athygli er vakin á því að leiðbeiningarnar er að finna á tölvutæku formi á upplýsingavef ríkisskattstjóra (www.rsk.is), ásamt bréfi þessu undir liðnum ákvarðandi bréf (óbeinir skattar) og einar sér undir liðnum skattar og gjöld - virðisaukaskattur - leiðbeiningar.
Ríkisskattstjóri
