Fréttir og tilkynningar: 2021

Um áramótin 2021-2022 taka gildi nokkrar breytingar á lögum er varða tollamál og innflutning.

Réttur til endurgreiðslu virðisaukaskatts vegna vinnu manna við íbúðarhúsnæði eða vegna bifreiðaviðgerða er til staðar í 6 ár frá því að réttur stofnast.

Um jól og áramót verða breytingar á venjulegum opnunartíma Skattsins. Opnunartímar um jól og áramót verða eftirfarandi:

Áhersluatriði í eftirliti ársreikningaskrár með reikningsskilum vegna reikningsársins sem hófst 1. janúar 2021 hafa nú verið sett fram. Áhersluatriðin eru birt til umhugsunar fyrir stjórnendur, endurskoðendur og skoðunarmenn félaga sem falla undir gildissvið ársreikningalaga. 

Vegna breytinga sem Alþingi hefur samþykkt á lögum um aukatekjur ríkissjóðs breytast skráningargjöld nokkurra félaga, m.a. félagasamtaka, almannaheillafélaga og húsfélaga.

Yfirskattanefnd kvað upp úrskurð 184/2021 í máli þar sem forsvarsmenn einkahlutafélags mótmæltu sektarákvörðun ársreikningaskrár, en sekt var lögð á félagið eftir að endurskoðuðum ársreikningi til opinberrar birtingar var ekki skilað innan tilskilins frests.

Með tilkynningu þessari vilja tollyfirvöld upplýsa innflytjendur ökutækja um að fljótlega mun niðurfelling virðisaukaskatts af innflutningi tengiltvinnbifreiða leggjast af.

Bókun A við fríverslunarsamning EFTA ríkjanna og Egyptalands kveður á um einhliða tollaívilnanir EFTA ríkjanna fyrir ákveðnar unnar landbúnaðarafurðir frá Egyptalandi.

EFTA-ríkin undirrituðu heildarsamning um efnahagslega samvinnu við Indónesíu í Jakarta þann 16. desember 2018 og hefur samningurinn nú tekið gildi eftir fullgildingu allra aðila.

Opnað hefur verið fyrir umsóknir um skráningu í almannaheillaskrá Skattsins. Skráningin er ætluð óhagnaðardrifnum félögum sem í megindráttum reka ekki atvinnustarfsemi.

Eftirlit ársreikningaskrár með félögum sem beita alþjóðlegum reikningsskilastöðlum (IFRS) við gerð reikningsskila sinna mun í samráði við Verðbréfaeftirlit Evrópu (European Securities and Markets Authority) beinast að eftirfarandi þáttum:

Með lögum nr. 32/2021, um breytingu á ýmsum lögum um skatta og gjöld (skattalegir hvatar fyrir lögaðila sem starfa til almannaheilla), var heimilaður frádráttur frá skattskyldum tekjum vegna gjafa og framlaga til lögaðila sem uppfylla tiltekin skilyrði og eru í almannaheillaskrá sem Skatturinn heldur.

Álagningu tekjuskatts 2021 á lögaðila sem skattskyldir eru samkvæmt I. kafla, sbr. og 4. mgr. 71. gr., sem og álagningu annarra opinberra gjalda lögaðila sem lögð skulu á vegna tekjuársins 2020 skv. VIII.-XIV. kafla laga nr. 90/2003, um tekjuskatt, er lokið.

Skatturinn hefur lokið álagningu opinberra gjalda 2021 á lögaðila og liggja niðurstöður álagningarinnar nú fyrir.

Skatturinn birtir ítarlegar upplýsingar um forsendur álagningar og skýringar á álagningarseðli. Fjallað er um hverjir bera hvaða skatt og af hvaða stofni hann er reiknaður.

Vakin er athygli innflytjenda sem senda tollskýrslur til tollafgreiðslu hjá Skattinum úr viðskiptakerfum sínum með EDI samskiptum að lokað verður fyrir móttöku eldri tegundar skýrslu (E1) þann 1. febrúar 2022.

Opnaður hefur verið nýr Nordisk eTax vefur – nordisketax.net.  Þar er að finna almennar upplýsingar um skattamál á Norðurlöndunum á sex tungumálum.

Skattskrár vegna álagningar á einstaklinga og lögaðila á árinu 2020 og virðisaukaskattsskrá vegna tekjuársins 2019 eru lagðar fram í dag, mánudaginn 18. október 2021.

Annað árið í röð er Skatturinn meðal þeirra fyrirtækja, sveitarfélaga og stofnanna sem hljóta viðurkenningu Jafnvægisvogarinnar, sem Félag kvenna í atvinnulífinu (FKA) veitir.

Frá og með mánudeginum 4. október verður öll afgreiðsla Skattsins, þar með talin fyrirtækja- og ársreikningaskrá, staðsett í Tollhúsinu, Tryggvagötu 19.

Skattskrár vegna álagningar á einstaklinga og lögaðila á árinu 2019 og virðisaukaskattsskrá vegna tekjuársins 2018 eru lagðar fram í dag, mánudaginn 27. september 2021.

Vakin er athygli inn- og útflytjenda sem senda tollskýrslur til tollafgreiðslu hjá Skattinum úr viðskiptakerfum sínum með EDI samskiptum (SMT tollafgreiðsla) á að unnið er að innleiðingu nýrrar tegundar tollskýrslu á Íslandi svokallaðrar SAD tollskýrslu.

Ársskýrsla Skattsins vegna ársins 2020 hefur verið birt á vef stofnunarinnar. Í skýrslunni er fjallað um það sem bar hæst í starfsemi Skattsins á árinu 2020 og ýmsar tölulegar upplýsingar birtar.

Nú styttist í lokaskilafrest skattframtals lögaðila vegna rekstrarársins 2020, en álagning lögaðila fer fram 29. október nk.

Álagningarskrá vegna álagningar 2021 á einstaklinga verður lögð fram dagana 17. ágúst til 31. ágúst 2021 að báðum dögum meðtöldum á almennum starfsstöðvum Skattsins utan Reykjavíkur, en í Reykjavík í Tollhúsinu Tryggvagötu 19.

Ársreikningi vegna rekstrarársins 2020, sem samþykktur hefur verið á aðalfundi, ber að skila inn eigi síðar en 31. ágúst nk.

Með lögum nr. 37/2021 voru gerðar breytingar á lögum nr. 160/2020, um viðspyrnustyrki. Var m.a. heimilað að greiða viðspyrnustyrki til þeirra rekstraraðila sem orðið hafa fyrir 40-60% tekjufalli á tilgreindum tíma, en áður hafði tekjufall þurft að ná a.m.k. 60%.

Almenn heimild til að nýta séreignarsparnað vegna kaupa á íbúðarhúsnæði til eigin nota eða til ráðstöfunar upp í höfuðstól láns sem tekið var vegna kaupanna hefur verið framlengd til og með 30. júní 2023.

Samþykkt hafa verið á Alþingi lög nr. 36/2021, um breytingu á ýmsum lögum til að mæta efnahagslegum áhrifum heimsfaraldurs kórónuveiru (greiðsludreifing staðgreiðslu og tryggingagjalds, úttekt séreignarsparnaðar).

Ríkisskattstjóri hefur lokið álagningu opinberra gjalda á einstaklinga 2021, á tekjur ársins 2020. Tekjuskattur og útsvar hafa að mestu þegar verið innheimt í staðgreiðslu en í álagningunni fer fram endanlegt uppgjör þessara skatta.

Álagningu opinberra gjalda á árinu 2021 er lokið á þá einstaklinga, sem skattskyldir eru samkvæmt I. kafla laga nr. 90/2003, um tekjuskatt.

Opnað hefur verið fyrir umsóknir um lokunarstyrk 6 vegna stöðvunar á starfsemi í tengslum við sóttvarnaaðgerðir á tímabilinu 25. mars til og með 14. apríl 2021.

Inneignir (vaxtabætur, barnabætur og sérstakur barnabótaauki, auk ofgreiddrar staðgreiðslu) eru greiddar inn á bankareikninga 1. júní 2021. Létta má mánaðarlega greiðslubyrði með gerð greiðsluáætlana hjá innheimtumönnum ríkissjóðs.

Álagning einstaklinga 2021, vegna tekna 2020, verður 31. maí nk., en niðurstöður álagningar birtar á þjónustuvef Skattsins þann 27. maí.

Við álagningu eru gerðir upp ofgreiddir og vangreiddir skattar vegna fyrra árs auk þess sem lögð eru á gjöld s.s. útvarpsgjald og gjald í framkvæmdasjóð aldraðra.

Þann 24. mars 2021 gerðu ríkisskattstjóri og málsaðili sátt vegna brota málsaðila á 5. og 10. gr. laga nr. 140/2018, um aðgerðir gegn peningaþvætti og fjármögnun hryðjuverka og 7. gr. laga nr. 64/2019, um frystingu fjármuna og skráningu aðila á lista yfir þvingunaraðgerðir í tengslum við fjármögnun hryðjuverka og útbreiðslu gereyðingarvopna.

Tollskóli ríkisins hefur tekið upp samstarf við fræðslufyrirtækið Promennt um framkvæmd á Tollmiðlara námskeiðum. Næsta námskeið verður 17. maí- 22 júní. kl. 12:20-16:00 kennt er mánudaga-fimmtudaga (ekki á föstudögum).

Þann 1. maí taka gildi lög nr. 30/2021 um breytingu á lögum um ráðstafanir gegn umhverfismengun af völdum einnota umbúða fyrir drykkjarvörur, nr. 52/1989.

Vakin er athygli á því að frestur til að sækja um tekjufallsstyrk rennur út 1. maí n.k. Allir þeir sem eiga rétt en hafa ekki sótt um eru hvattir til þess að gera það sem fyrst.

Þann 1. maí nk. sameinast Skatturinn og Skattrannsóknarstjóri ríkisins en lög þess efnis voru samþykkt frá Alþingi þann 20. apríl sl. 

Landsréttur hefur staðfest dóm Héraðsdóms Reykjavíkur þar sem karlmaður var sakfelldur fyrir meiri háttar skattalagabrot og peningaþvætti og dæmdur í þriggja mánaða skilorðsbundið fangelsi auk sektar að fjárhæð ríflega 12 milljónir króna, í kjölfar rannsóknar skattrannsóknarstjóra.

Héraðsdómur Reykjavíkur hefur sakfellt mann fyrir meiri háttar skattalagabrot og peningaþvætti í héraðsdómi. Var hann dæmdur í tíu mánaða skilorðsbundið fangelsi auk þess sem honum var gert að greiða 13 milljóna króna sekt innan fjögurra vikna.

Birtar hafa verið upplýsingar um þá sem fengið hafa greidda tekjufallsstyrki og viðspyrnustyrki miðað við stöðuna 14. apríl 2021, og stuðning vegna launakostnaðar frá maí 2020 til og með febrúar 2021.

Með dómi nr. S-3508/2020 hefur Héraðsdómur Reykjavíkur dæmt tvo fyrirsvarsmenn einkahlutafélagsins X ehf. til þess að greiða samtals 25.000.000 kr. sekt í ríkissjóð og í sex mánaða skilorðsbundið fangelsi, til tveggja ára, fyrir að standa ekki skil á virðisaukaskatti að fjárhæð rúmlega 9 milljónum króna og staðgreiðslu opinberra gjalda að fjárhæð rúmlega 6 milljónum króna.

Meðal efnis í blaðinu er umfjöllun um sameiningu ríkisskattstjóra og tollstjóra, niðurstöður álagningar einstaklinga og lögaðila 2020, aðkomu Skattsins að aðgerðum stjórnvalda vegna COVID-19 og jafnlaunavottun stofnunarinnar.

Héraðsdómur Reykjaness í máli nr. 2293/2020, hefur dæmt E og V til skilorðsbundinnar fangelsisvistar og til þess að greiða samtals 76.5 milljóna kr. í sekt, auk málskostnaðar, vegna brota á lögum um tekjuskatt og almennum hegningarlögum.

Fjöldi innlendra fyrirtækja hefur fengið samþykki Tollgæslustjóra sem viðurkenndur útflytjandi á grundvelli fríverslunarsamninga Íslands við EES og Kína.

Álagi í virðisaukaskatti verður beitt á vangreiddan virðisaukaskatt á gjalddaga uppgjörstímabilsins janúar-febrúar 2021 þann 6. apríl nk.

Opnað hefur verið fyrir umsóknir um lokunarstyrk 5 vegna stöðvunar á starfsemi í tengslum við sóttvarnaraðgerðir á tímabilinu 1. janúar til og með annars vegar 12. janúar og hins vegar 7. febrúar 2021.

Með úrskurði yfirskattanefndar nr. 40/2021 var endurákvörðun ríkisskattstjóra í kjölfar rannsóknar skattrannsóknarstjóra á skattskilum kæranda staðfest að hluta.

Fjöldi innlendra fyrirtækja hefur fengið samþykki Tollgæslustjóra sem viðurkenndur útflytjandi á grundvelli fríverslunarsamninga Íslands við EES og Kína. 

Meirihluti Hæstaréttar hefur staðfest sakfellingu Júlíusar Vífils Ingvarssonar vegna peningaþvættis samkvæmt dómi Landsréttar frá 8. maí 2020 en stytt skilorðsbundna fangelsisrefsingu úr tíu mánuðum í sex.

Ríkislögreglustjóri hefur birt nýtt áhættumat fyrir peningaþvætti og fjármögnun hryðjuverka. Áhættumatið er unnið og birt á grundvelli laga um aðgerðir gegn peningaþvætti og fjármögnun hryðjuverka nr. 140/2018 og samkvæmt leiðbeiningum alþjóðlega aðgerðarhópsins Financial Action Task Force.

Í ljósi hertra sóttvarnaraðgerða verður þjónusta í afgreiðslum Skattsins í Reykjavík ekki með hefðbundnum hætti á næstunni, þ.e. á meðan hertar samkomutakmarkanir eru í gildi.

Héraðsdómur Reykjavíkur hefur dæmt fyrirsvarsmenn félags til þess að greiða samtals
441.000.000 kr. í sekt. vegna brota á lögum um tekjuskatt, lögum um virðisaukaskatt og almennum hegningarlögum.

Vakin er athygli inn- og útflytjenda sem senda tollskýrslur til tollafgreiðslu hjá Skattinum úr viðskiptakerfum sínum með EDI samskiptum (SMT tollafgreiðsla) á að unnið er að innleiðingu nýrrar tegundar tollskýrslu á Íslandi svokallaðrar SAD tollskýrslu.

Með úrskurði yfirskattanefndar nr. 162/2019 var fyrrverandi fyrirsvarsmanni X ehf. gerð sekt vegna vanrækslu á skilum innheimts virðisaukaskatts félagsins á árunum 2017 til og með 2019.

Móttaka á umsóknum um viðspyrnustyrki er hafin. Viðspyrnustyrkir eru ætlaðir þeim rekstraraðilum sem orðið hafa fyrir a.m.k. 60% tekjufalli vegna heimsfaraldurs kórónuveiru.

Opnað hefur verið fyrir skil á skattframtali einstaklinga 2021, vegna tekna 2020, á þjónustuvef Skattsins. Frestur til að skila er til 12. mars nk.

Héraðsdómur Reykjavíkur hefur dæmt framkvæmdastjóra og stjórnarmann félags til greiðslu sektar að fjárhæð 35 milljónir króna og sjö mánaða fangelsi, skilorðsbundið til tveggja ára.

Héraðsdómur Reykjaness hefur dæmt framkvæmdastjóra og stjórnarmann félags ásamt bókara þess til þess að greiða, hvor um sig, 105,5 milljónir í sekt.

Opnað verður fyrir framtalsskil 2021, vegna tekna 2020, 1. mars nk. Lokaskiladagur er 12. mars.

Opnað hefur verið fyrir umsóknir um lokunarstyrk 4 sem vegna stöðvunar á starfsemi í tengslum við sóttvarnaraðgerðir á tímabilinu 18. nóvember til og með 31. desember 2020.

Yfirskattanefnd hefur staðfest endurákvörðun ríkisskattstjóra í kjölfar rannsóknar skattrannsóknarstjóra á skattskilum einstaklings.

Vegna tilslakana á sóttvarnareglum verða afgreiðslur Skattsins í Reykjavík opnaðar á ný frá 09.00-15.30 mán-fim og til kl. 14 á föstudögum. 

Vegna tilslakana á sóttvarnareglum hefur verið ákveðið að færa opnunartíma í afgreiðslu á Tryggvagötu í hefðbundið form.

Héraðsdómur Reykjavíkur hefur dæmt mann til að greiða 53 milljón króna sekt og í 9 mánaða skilorðsbundið fangelsi vegna meiri háttar brot gegn skattalögum.

Vegna reglubundins viðhalds verða tölvukerfi skattsins sem tengjast tollafgreiðslu lokuð sem hér segir:

Í ljósi erfiðs rekstrarumhverfis og óvissu í atvinnulífi hefur ríkisskattstjóri ákveðið að nýta heimild til að beita ekki álagi á vangreiddan virðisaukaskatt.

Opnað hefur verið fyrir skil á skattframtali lögaðila 2021, vegna tekna 2020, á þjónustuvef Skattsins. Almennur framtalsfrestur lögaðila er til 31 maí, en fagaðilar (endurskoðendur og bókarar) geta fengið framlengdan frest allt til 1. október.

Lögaðilum, sem gert er að greiða fyrirfram upp í þau gjöld sem lögð eru á í álagningu, hafa verið birtir fyrirframgreiðsluseðlar á þjónustuvef Skattsins.

Lögreglan á höfuðborgarsvæðinu hefur um helgina varað við svindli þar sem reynt er að komast yfir kortaupplýsingar fólks í nafni Skattsins. Í skilaboðunum er tilkynnt um meinta endurgreiðslu.

Landsréttur hefur staðfest úrskurð héraðsdóms Reykjavíkur frá 15. desember 2020 þar sem hafnað var kröfum X Ltd., félags skráðu í lágskattaríkinu Belís, um að úrskurðað yrði að beiðni skattrannsóknarstjóra ríkisins um afhendingu gagna frá Y ehf., sem beiðnin beindist að, og vörðuðu X Ltd. væri ólögmæt.

Fyrsta greiðsla barnabóta á árinu 2021 verður mánudaginn 1. febrúar n.k., forsendur fyrir útreikningi barnabóta hvers og eins er að finna á þjónustusíðu Skattsins.

Með dómi Héraðsdóms Suðurlands, í máli nr. 304/2019 voru tveir fyrirsvarsmenn félags dæmdir hvor um sig til að greiða tæplega 10 milljón króna sekt í ríkissjóð. 

Vegna tilslakana á sóttvarnareglum verða afgreiðslur Skattsins í Reykjavík opnaðar á ný frá og með 19. janúar 2021. Opnunartími verður styttri og takmarkanir áfram í gildi til að tryggja sóttvarnir.

Vakin er athygli á nýlegum lagabreytingum á jarðalögum sem skyldar tiltekna lögaðila til að upplýsa fyrirtækjaskrá árlega um beint og óbeint eignarhald sitt, raunverulega eigendur og eftir atvikum stjórnarmenn og aðra stjórnendur.

Eindagi staðgreiðslu og tryggingagjalds sem frestað var á árinu 2020 er að renna upp. Heimilt er að sækja um aukinn greiðslufrest.

Í vikunni var kveðinn upp dómur í héraðsdómi Reykjaness í máli er varðaði ranga upplýsingagjöf innflytjanda í tengslum við innflutning á Land Rover ökutæki. Innflytjandi var dæmdur fyrir brot á 1. mgr. 172. gr. tollalaga og til að greiða sekt að upphæð 5.273.000 kr.

Með úrskurði yfirskattanefndar nr. 162/2019 var tveimur fyrirsvarsmönnum X ehf. gerð sekt vegna vanrækslu á skilum virðisaukaskatts félagsins á árunum 2014 og 2015.

Maður var ákærður fyrir að hafa staðið skil á efnislega röngum skattframtölum gjaldárin 2014 og 2015, með því að láta undir höfuð leggjast að telja fram tekjur að fjárhæð 20,7 milljónir króna í formi úttekta úr félagi sem var í hans eigu.

Með úrskurði yfirskattanefndar nr. 176/2020 var endurákvörðun ríkisskattstjóra í kjölfar rannsóknar skattrannsóknarstjóra á bókhaldi og skattskilum kæranda staðfestur að mestu.

Tekjufallsstyrkir eru ætlaðir þeim rekstraraðilum sem orðið hafa fyrir a.m.k. 40% tekjufalli vegna heimsfaraldurs kórónuveiru á tímabilinu 1. apríl til og með 31. október 2020 og að uppfylltum ýmsum öðrum skilyrðum.

Landsréttur hefur fellt úr gildi frávísun héraðsdóms Reykjavíkur gegn tveimur bræðrum sem áður höfðu sætt álagi skattayfirvalda vegna sömu brota og lagt fyrir dóminn að taka málið til efnislegrar meðferðar.

Þann 1. janúar sl. var opinbert vefsvæði stofnað sem veitir almenningi rafrænan aðgang að ársreikningum úr ársreikningaskrá.