Framlenging ráðstöfunar séreignarsparnaðar
Allt frá 1. júlí 2014 hefur þeim sem greiða í séreignarsjóð staðið til boða að ráðstafa greiðslum sínum beint inn á lán vegna íbúðarhúsnæðis til eigin nota.
Með lögum nr. 111/2016 var úrræðið um ráðstöfun
séreignarsparnaðar, sem renna átti út í lok júní 2017, framlengt um tvö ár eða
til júníloka 2019.
Nú hefur ríkisskattstjóri sett upp á síðunni www.leidretting.is fyrirspurn þar sem óskað er eftir
afstöðu þeirra sem nýtt hafa sér úrræðið hvort þeir hyggist nýta sér það áfram
eða hvort þeir vilji hætta ráðstöfun í júní 2017.
Taka þarf afstöðu fyrir júnílok ellegar mun ráðstöfuninni verða
sjálfhætt þá.
Þeir sem nýtt hafa sér úrræðið eru hvattir til að fara inn á www.leidretting.is og taka afstöðu.
Frekari upplýsingar eru veittar í síma 442-1900 og í gegnum netfangið adstod@leidretting.is.
