Breytingar á bifreiðagjaldi um áramótin
Nú um áramót var lágmarksfjárhæð bifreiðagjalds hækkuð úr 7.540 kr. upp í 15.080 kr. fyrir hvert gjaldtímabil. Breytingin hefur mest áhrif á bifreiðagjald ökutækja með litla eða enga skráða koltvísýringslosun eins og sparneytna bíla og rafmagnsbifreiðar.
Samhliða þessari hækkun lágmarksfjárhæðar bifreiðagjalds voru losunarmörk hækkuð svo þessar hækkanir hafa minni áhrif til hækkunar á þau ökutæki sem hafa áður verið að fá hærra gjald.
Um áramótin voru jafnframt gerðar breytingar á lögum um úrvinnslugjald, sem lagt er á samhliða bifreiðagjöldum. Það heitir nú skilagjald í stað úrvinnslugjalds. Álögð fjárhæð skilagjalds er sú sama og úrvinnslugjalds áður, eða 900 kr. fyrir hvert gjaldtímabil.
