Þrjú fyrirtæki valin til að taka þátt í tilraunaverkefni um AEO-vottun
Fyrirtækin IKEA, Marel og ThorShip hafa verið valin til að taka þátt í tilraunaverkefni Tollstjóra um VRA-vottun (AEO-vottun). Fyrirtækin voru valin úr hópi umsækjenda þar sem þau uppfylltu skilyrði tilraunaverkefnisins auk þess að gegna mismunandi hlutverkum í aðfangakeðjunni.
Markmiðið með tilraunaverkefninu er að prófa umsóknar- og vottunarferlið áður en AEO-vottunin verður formlega tekin í notkun. Í lok verkefnisins mun fyrirtækið hljóta AEO-vottun standist það öll öryggisskilyrði og sýni fram á fullnægjandi ferla í tollframkvæmd.
Tollstjóri þakkar öllum þeim fyrirtækjum sem sýndu verkefninu áhuga og bendir á að opnað verður fyrir almennar umsóknir eftir að tilraunaverkefninu lýkur í upphafi næsta árs.
