Málsmeðferð og réttarreglur

Með þessari umfjöllun um málsmeðferðarreglur er leitast við að gefa stutt yfirlit yfir feril mála hjá skattyfirvöldum og hvaða reglur gilda á því sviði. Gerð er grein fyrir helstu reglum sem gilda við álagningu skattframtala og hvaða úrræði skattaðili hefur til þess að reyna að fá ákvörðun ríkisskattstjóra hnekkt, jafnt innan stjórnsýslunnar sem utan hennar. Þá er gerð grein fyrir hvað felst í svokölluðum bindandi álitum og loks er stutt umfjöllun um sektarheimildir skattyfirvalda.


Ferill ágreiningsmála

Ríkisskattstjóri leggur á opinber gjöld samkvæmt skattframtali. Ef ágreiningur skapast um einstaka liði skattframtals eða framteljandi lætur hjá líða að skila skattframtali, fer afgreiðsla mála í ákveðinn farveg. Hér er farið yfir úrræði bæði framteljanda og skattyfirvalda við úrlausn slíkra mála.

Lesa meira

Kæruleiðir

Ef ekki tekst að jafna um ágreining hefur framteljandi margs konar úrræði. Úrskurður ríkisskattstjóra kann að vera kæranlegur til yfirskattanefndar eða til efnahags- og viðskiptaráðuneytisins. Þá má bera ágreining um skattskyldu og skattstofna undir dómstóla. Loks hefur skattaðili þann kost að kvarta við Umboðsmann Alþingis.

Lesa meira