Rafræn skilríki á korti

  • Skilríki á korti

Þú getur fengið rafræn skilríki á debetkort eða fengið þér svokölluð einkaskilríki. Þau eru jafngild skilríkjum á farsíma.

Til að nota rafræn skilríki á korti þarft þú kortalesara og sérstakan hugbúnað á tölvuna.

Sjá spurt og svarað á vefnum skilriki.is

Nexus Personal hugbúnaðurinn

Fyrir rafræn skilríki á korti þarf kortalesara og Nexus Personal hugbúnaðinn sem saman lesa skilríkin á kortinu.  Hugbúnaðurinn er gjaldfrjáls og eru mismunandi útgáfur fyrir Windows, Mac og Linux stýrikerfi.

Sjá nánari upplýsingar um hugbúnaðinn á vef Auðkennis

Kortalesari

Til að geta notað rafræn skilríki á korti þarf lítið tæki sem nefnt er kortalesari en hann les kortið og tengir það við tölvuna.

Í sumum nýrri fartölvum eru þessir lesarar innbyggðir en einnig er hægt að fá lyklaborð eru með innbyggða kortalesara. Annars er hægt að fá utanáliggjandi lesara sem tengjast í USB tengil á tölvunni í ýmsum raftækjaverslunum. Flest útibú bankanna útvega lesara gegn vægu gjaldi. Einfalt er að tengja lesara við tölvu með USB snúru

Hvar fæ ég rafræn skilríki á debetkort?

Vinsamlega hafðu samband við þinn viðskiptabanka/sparisjóð til að athuga hvort hann býður upp á rafræn skilríki á debetkortum.

Nánari upplýsingar er að finna hjá viðkomandi viðskiptabanka/sparisjóð:

Arion banki

Íslandsbanki

Landsbanki

Sparisjóðurinn

Hvar fæ ég einkaskilríki?

Einkaskilríki eru rafræn skilríki á korti sem hægt er að fá hjá Auðkenni ehf. 

Þeir sem eiga rétt á höfuðstólsleiðréttingu verðtryggðra fasteignaveðlána geta fengið einkaskilríki án endurgjalds. 

Sjá nánar um einkaskilríki vegna leiðréttingarinnar

Sækja um einkakort hjá Auðkenni

Rafræn skilríki fyrir yngri en 18 ára

Einstaklingar undir 18 ára aldri geta fengið rafræn skilríki hvort sem er á farsíma eða á korti.

Umsækjandi þarf í viðurvist foreldra eða forsjáraðila að framvísa þarf gildu skilríki (vegabréf, ökuskírteini, nafnskírteini gefið út af Sýslumönnum) og skrifa þarf undir samning í tengslum við ný skilríki.  Foreldri eða forsjáraðili þarf jafnframt að framvísa skilríki (vegabréf, ökuskírteini, nafnskírteini gefið út af Sýslumönnum) og skrifa undir með umsækjandanum.


Til baka