Úrskurður yfirskattanefndar nr. 277/2008
Skattaðili: X ehf. (nú þrotabú)
Verknaðarlýsing: A, sem stjórnarformanni og daglegum stjórnanda með prókúruumboð X ehf., var gefið að sök að hafa vanrækt að standa skattstjóranum í Reykjanesumdæmi skil á virðisaukaskattsskýrslum á lögmæltum tíma vegna uppgjörstímabilanna maí-júní til og með nóvember-desember rekstrarárið 2006. Nam vanframtalin skattskyld velta samtals kr. 26.534.368 og vanframtalinn útskattur samtals kr. 6.500.920. Þá nam mögulegur innskattur samtals kr. 2.276.805.
Þá var A gefið að sök að hafa vanrækt að standa innheimtumanni ríkissjóðs skil á afdreginni staðgreiðslu opinberra gjalda launamanna X ehf., vegna greiðslutímabilanna júlí til og með desember rekstrarárið 2006. Eins var A gefið að sök að hafa vanrækt að standa skil á skilagreinum vegna staðgreiðslu opinberra gjalda, vegna framangreindra greiðslutímabila, á lögmæltum tíma. Nam vangoldin afdregin skilaskyld staðgreiðsla opinberra gjalda samtals kr. 814.833, að teknu tilliti til afdreginnar staðgreiðslu A.
Niðurstaða: Málinu vísað frá yfirskattanefnd þar sem afstaða gjaldanda til málsmeðferðar fyrir yfirskattanefnd lá ekki fyrir, sbr. 2. mgr. 31. gr. laga nr. 45/1987, um staðgreiðslu opinberra gjalda og 2. mgr. 41. gr. laga nr. 50/1988,um virðisaukaskatt.
