Breytingasaga: 2012

Nú hefur áskrift að efnisstraumi breytingasögu verið sett upp. Hægt er að virkja áskriftina með því að velja strauma neðst á síðunni (í bláa hlutanum). Lögð er áhersla á að hugbúnaðarhús og aðrir sem hafa sett upp kerfi sem eiga rafræn samskipti við ríkisskattstjóra setji upp hjá sér áskrift að efnisstraum breytingasögu. Tekið skal fram að ekki er sendur tölvupóstur þegar breytingar eiga sér stað, heldur er gert ráð fyrir að hagsmunaaðilar nýti sér áskriftina til að fylgjast með breytingum. Hafið samband við fridjon.bjarnason@rsk.is varðandi fyrirspurnir, ábendingar og aðstoð.

Fjársýsluskattur: Villuprófun hefur verið endurbætt. Nú er ekki hægt að skila fjársýsluskatti ef stofn til fjársýsluskatts er tilgreindur en fjársýsluskattur er 0. Einnig verða fljótlega settar ábendingar í svarkaflann þar sem bent er á mögulegar villur í stofni og fjársýsluskatti.

Fjársýsluskattur: Staðgreiðsluskil með fjársýsluskatti eru komin í rekstur. Lýsing á vefþjónustu staðgreiðslu hefur verið uppfærð, meðal annars með lýsingu á skilum fjársýsluskatts.

Fjársýsluskattur: Gerðar hafa verið breytingar á testumhverfi vefþjónustu staðgreiðslu til að taka við fjársýsluskatti. Í tengslum við þessar breytingar var lýsing á vefþjónustu staðgreiðslu endurskrifuð. Lýsingin er enn í vinnslu en í henni koma fram nauðsynlegar upplýsingar til að hægt sé að byrja prófanir á skilum fjársýsluskatts.

Upp hafa komið vandamál með stafasett í XML skjölum. Í einhverjum tilvikum eru íslensku stafirnir ekki að skila sér rétt í gagnagrunn ríkisskattstjóra. Þetta virðist vera vegna encoding. Til þess að gögnin skil sér rétt er mælst til þess að XML skjöl sem send eru hafi encoding ISO-8859-1.

Gerð hefur verið sú endurbót á vefþjónustu takmarkaðrar skattskyldu að nota má aðalveflykil eða skilalykil fagaðila, auk staðgreiðslulykils, ef skilað er í gegnum vefþjónustu. Eftir sem áður er aðeins hægt að skila á þjónustusíðu skattur.is (handskrá) með því að skrá sig inn með veflykli staðgreiðslu.

Ný vefþjónusta vegna takmarkaðrar skattskyldu hefur verið gangsett. Frá og með janúar 2012 skal skila staðgreiðslu vegna takmarkaðrar skattskyldu í gegnum þessa vefþjónustu. Einnig hefur verið bætt við aðgerðum í vefskil á skattur.is sem gefa möguleika á handskráningu. Við skil á staðgreiðslu vegna takmarkaðrar skattskyldu skal nota sama veflykil og við skil á hefðbundinni staðgreiðslu (staðgreiðslulykil). Sendur hefur verið tölvupóstur til allra launagreiðenda með kynningu á þessum staðgreiðsluskilum.