Skráning húsaleigusamninga í húsnæðisgrunn HMS
Húsnæðis- og mannvirkjastofnun (HMS) og Skatturinn vilja vekja athygli á því að um áramótin tóku gildi breytingar á húsaleigulögum og tekjuskattslögum sem tengjast útleigu á húsnæði til búsetu leigutaka. Breytingarnar ná ekki til heimagistingar, svo sem Airbnb.
Skráning húsaleigusamninga
Þeim sem leigja húsnæði í atvinnuskyni til búsetu leigutaka ber að skrá húsaleigusamninga rafrænt í húsnæðisgrunn HMS.
Þeim sem leigja húsnæði utan atvinnurekstrar til búsetu leigutaka stendur til boða að skrá húsaleigusamninga í húsnæðisgrunn HMS. Í þeim tilfellum eru upplýsingar úr skráðum húsaleigusamningum áritaðar á skattframtal leigusala.
Réttur leigutaka til húsnæðisbóta
Rafræn skráning á húsaleigusamningi í húsnæðisgrunn HMS er forsenda þess að leigutaki geti sótt um húsnæðisbætur (áður húsaleigubætur).
Nánari upplýsingar
Á heimasíðu HMS eru nánari upplýsingar um rafræna skráningu, www.hms.is/leiguskra.
Leigusalar eru hvattir til að hafa samband við HMS um frekari upplýsingar og leiðbeiningar eða kynna sér þær á heimasíðu HMS, http://www.hms.is/leiguskra.
